Aullagikharlugu havaarijat Ukiuqtaqtumi!
Piliqlugu alianaqtuq qanuriliurutikhat Kanadaup Ukuiqtaqturningani! Ilauqatigilugin havakturniaqpiaqtun ajuittullu havagvingni havaktivun tuniutipluta qajangnaittunik, nakuujunik, akitungittuniklu pauwakhanik Nunavunmi.
Havangniq Nunavunmi
Nunavut Kanadaup nutaangutqijaat angitqijaalu nunaginiq piqaqtuqlu kajumitqijaujumik nauliqtumik piangiajarutikhanik Kanadami. Piqarhuni pinniaqtunik nunanik quvianaqtuniklu hulivikhanik uuktuqvikhanik, piniaqtutin quvianarnirnik havaarijainnarniingittumi, kihimilu havangnairaangat. Ihumaginiit qinmiqturnirmi, sikiituujaujarnirmi, qajaqtuqnirmi, aulattinirmi, ilittuharluguluunniit pitquhiq pilika aallangajunik hanaujanik huqullaarnirniklu quviagigupkin, Nunavut nunaghaujuq ilingnun.
Qulliq Alrujaqtuqtunik Ikumadjutiit
Qulliq Alrujaqtuqtunik Ikumadjutiit (QEC) havaaqaqtuq tuninikkut qajangnaittunik, nakuujunik pauwatuutikhanik tamainnun atuqpaktunun Nunavunmi. Nanminirijaujuq Nunavut Kavamanganin aulapkaqtitaujuqlu ilikkuuqtumik ukiuqtaqtumi kuapuriisiupluni, QEC avalittuq tuniuqtuq pauwaliqidjutinik nunagijaujunilu uunaqutikhaniklu Nunavunmi. Aallanut auladjukhanut Kanatami, QEC-kut takuvaktun aallangajunik ajuqhautaujunik aulapkaidjutimingnut 25 ilikkut ittuik uqhurjuaqtuqtunik pauwaliurutiqqtun ingniqutinik pauwaqarviit tamainni Nunavunmi nunanginni.
Havaakhanut Titiraliqinikkut Tutqikhaiji – Hanajakhanut
Iqaluit, Nunavut
Ilituqhaijukhaq Aulapkaijimun, Hanajukharnik, tamna Havaaqhangit Titiqiqidjutiliqijunik Tutqikhaiji - Hanajukharnik havakhimaarniaqtuq akhurnaqtumik ikajuutikharnik havaktakharnik taima tutqikhailuni ubluq tamaat titiqiqidjutiliqijunik auladjutikharnik talvani Hanajukharnik Havagviangit allatqiinik auladjutikharnik ihuaqhaidjutikharniklu (O&M), unalu maniit akitujut havaaqhangit. Tamna havaaqhaq munagihimaarniaqtuq tutqikhaidjutikharnik munagidjutikharnik havaaqhangit kihititirutikharnik nuutaanguqtiqhimajunik akiliktaujukharniklu, tunijaangatlu titiqiqidjutiliqijunik ikajuutikharnik talvunga Aulapkaijimun Hanajukharnik.
Havaakhait Munarijakhaillu:
- Upalungaijaqlugit tatqiqhiutini uvalu ihuaqhaqlugit havagviit uniudjutit pihimablugit nutaanguqtiqhimajut hapkunanga Havaaghanun Atangujanin.
- Aadjiliurlugit Uuktuutip Aktilaangit uvalu nutaanguqtiqlugit havaakhat akiligahat naunaitkutait titiqqat.
- Havaqatigilugit aallat havagviit aullaqtiutikhanik akitujut havaakhat uuktuutikhait.
- Ihuaqhailugit Tuhaumapkainikkut havagviat imaalu upalungaijarlugit Katimajiit unniudjutait.
- Tutqikhailugit Tuhaqtitiliqijunik havakviangit Hanajukharniklu atangujangit auladjutikharnik nuirutikharnik.
- Ihuaqharlugit Hananikkut Kiinaujaliqijitkutlu havaakhaq umingniaqtun havaakhamut ihuaqhaidjutikhanut, taimaalu.
- Ilaulutik Akitujunun Upalungaijainikkut Katimajiit katimadjutaini.
- Ihuaqhilugit Akiliakhat Akiliktauhimajutt unalu Hananirnut havaqatigiiktut aulapkaigiangani akiliakhaanut nalunaitkutat qakugunnguqqat.
- Tutqikhailugit niuvirnikkut kaantulaangitlu havagviit munagijaangat nuutaanguqtigijaangatlu O&Mmi akitujut havaaqhangit kaantulaangit.
- Munarilugit havagviup atukiqtuutikkut naunaitkutit uvalu tunihilutik tatqiqhiutini uniudjutinik Kiinaujaliqiinun.
- Titiqiqidjutiliqiniaqtun Hanajukharnik iliqatigiiktunik ilauniaqtunik ilitugidjutikharnik.
- Upalungaijaqlugit uvalu ihuaqhaqlugit titiqat havagviitigut katimadjutainun, ilaujut nipiliungnikkut uvalu tuniuqhaqhugit katimadjutit katimadjutit.
- Havaarijakhait aallat titiqiqidjutiliqidjutiit havaktakhat tunijauhimajut Aulapkaijimit, Hanajiunirmik.
Pitqujauhimajut Ajuiqhimajakhat Ilaqaqtut:
- Naunaitkutaliriniq Havakvikmi Titiqqiqiniq, Havakvikmi Titiqqiqiniq, aadjikutaanikluuniit ilihaqtaminik.
- Tallimanik ukiuni havakpakhimajuq titiqiqidjutikharnik ikajuqtikhamik havaarijamingnik.
Piqutit:
- Havagiikhimajukhaq nunalaani niuvailiqinikkut, kaantulaaliqijunik titiqiqidjutiliqinikkut, havaaqhangitluuniit munagidjutikharnik piqaqtukhaq.
- Atuqhimaluni pipkaijaagani titiqiqidjutinik ikajuutinik hanajutinik, hanajaunigani, aulajutinikluniit avataujumik ihuaqutaujuq.
Katitlugit ilihairutikharnik havakpakhimajainiklu piqaqtukhaq ihumagijaujaangat.
Aituihimaaqtugut auladjutikharnik manikhaqharnik aulajukharnik taima $91,634.92-min $106,291.66-mun ukiuqtaqtumi ikajuutit maniit $16,008.00 ukiuq tamaat. Aituihimaanginaqtugut quvianaqtumik pidjutikharnik atauttimuuqhimajut, ilaujurlu naunaijaigiikhimajuq pidjutikharnik maningnik ikajuutikharnik. Ilaujurlu, havaktimut iglukhaqaqtuq uvani havaaqharmi. Una havaaqhaq ilaunggittuq Nunavut Havaktiinnut Ikajuqtiinni.
Havaktilluaqniaqtait Nunavunmi Inuinnaujunut.
Uukturiami tujuqlugin uuktuutit qaritaujakkut titirarvikkut uvunga: Canada.recruitment@dovregroup.com
Uukturit titirarlutit, Ubluqtuhirvia 13, 2023nguqtinani.
Uuktuqtun uumunga havaakhamun ihumagijauttaarungnarhijun hivunikhani havaakhatigun uuktuqvighanun QEC-kunni.
Qujagiujugut tamainun uuktuqtunik ihumagijainik talvuuna havaamun. Kihiani, tapkuanginait pukuktauvakhimajut hivunirmi ihumagijaunaiqtun hivajaqtauniaqtunlu.