IKAYUQTAUYANUT MUNARIDJUTIKHAINUT HIVAYARVIKHAQ: 1-866-710-4200
Kinguvaktihimayut Akiliqtauyakhat
Akilingitkungnu tatqirhiutimut pauvvatuutinut akiligakhaq ubluani akiliktauyakhaukpat, QEC-kut akiliqtinniaqtaahi kinguvaktihimayumut akiliktakhanut akiligakhauyumut taimaa 1.5 ousat unalu GST akianut atuqqamut akiligakhangni. 7-ni ubluni akiliqhittaaqtutit tamaat akiliqtakhauyamut pauvvatuutit akiliqtauyakhauliqqat akiliqhinnaittumik kinguvaktihimayumik akiligakhamut. Akiligakhat akilingitkungni iluani 7-ni ubluni aakiligakhauyumut ubluani, QEC-kut havakniarungnaqhiyaat 48-ni ikaaqnini pauvaikhidjutikhamik ikikliluguluunniit pauvaliqidjutikhat titiraqlutik pauvatuqpaktumut.
Naunairumagungni kinguvaktunut akiligakhanut, naqitlugu hamna taiguaklugit Pitquyait Qanuriliurutikhaillu uqaqvigilugilluunniit Ikayuqtauyanut Munaridjutikhanut havagvia talvani 1-866-710-4200.
Itquumangittumik Akilikhiyunut
Pauvvatuqpaktuq itquumangittumik akilikhikpat, QEC-kut akilikhipkainiaqtut $20-mik akiligakhamik atukkiutingnut. Itquumangittut akiliutit utiffaaqtitauhimayut manikhat pauvvatuqtumit maniqarvikyuanganit qanuqlikaak. Naunaitkutaa, itquumangittut akilikhidjutit ukunatut maniqangittumik utiqtiffaaqtauhimayut manikhat (NSF), umiktauhimayut atukkiutit, utuqqalluunniit sainiqhimaittut manikhaliuqhimayut. Pingahunik itquumangittunik akiliutikharumik pauvvatuqpaktumit, naunaiktitauniaqtutit hivunngani akiliqhidjutikhat akiliktauyukhat maniinnakkut, maniqarvikyautigut akilikhilutik atukkiutinulluunniit maniqarvikyuanit, manikhaliuqhimayumik titiqqivikkut, itquriikhimayukluunniit naunaikhimayuq manikliuqhimayuq.
Naunairumagungni itquumangittunut akiligakhanut, naqitlugu hamna taiguaklugit Pitquyait Qanuriliurutikhaillu uqaqvigilugilluunniit Ikayuqtauyanut Munaridjutikhanut havagvia talvani 1-866-710-4200.
Pauvvaiktitaunirmut
QEC-kut puiguqungitait pauvatuqpaktut taimaa kuapaliiingat piyuitait qilamiurutit pauvaiktitdjutit atuganut akiliktauhimaitpat kihimi pauvatuqpaktuq tuhaqtitaukpat 48-ni ikaaqnini pauvaititautinnatik. Piguvit 48-ni ikaaqnini pauvvaikhidjutikhamik, uqaqvigilugit havagviptingnut Ikayuqtauyanut Munaridjutikhanut qilamiurutigilugu talvunga 1-866-710-4200. Pauvvaiktitauhimaguvit kinguvaktihimayunut akiliqtauyakhanut, akilikhipkainiaqtut aallamik $25-mik [auvvaiktittinirmut akiligakhamik.
Naunairumagungni pauvvaiktitaudjutikhanut, naqitlugu hamna taiguaklugit Pitquyait Qanuriliurutikhaillu uqaqvigilugilluunniit Ikayuqtauyanut Munaridjutikhanut havagvia talvani 1-866-710-4200.
Hivayautikkut Itquumangittumik Akilikhipkainahugittunut Tuhaqtidjutaa
QEC-kunit pauvvatuqpaktut hivayaktauvaktut hivayautikkut itquumangittumik akilikhipkainahugittunik. HIvayaktut iquvaktut taimaa QEC-kuni ikayuqtaiuvlutik qilamiklu akilikhipkaikuvlutik pauvvatuqpaktunit pauvvaititaunaittumik.
Akiligakhat akiliqtaungitpata kinguvaqhutik, QEC-kuni ikayuqtit hivayarviginahugitniaqtaahi titiqqilutiklu uqaqvigiguffi naunaiktidjutikhamik. Pauvvatuqpaktut ihuangittutut hivayarvigiyaugumik, uqaqvigihuiqlugit hivayarlugit QEC-kut Ikayuqtauyanut Munaridjutikhanut havagvia talvunga 1-866-710-4200. Havakti naunaikniaqtaa hivayaktuq itquumayaakhaa itquumangitpalluunniit.