Inuit tamaita pauwaqtuutimiknik atuqpallaanginnarialik - Ayurnaittuq! Taimaatut pigumi, pauwaqtuutimik atuqtut ikikliyuumiinarniaqtaa pauwaqtuutinginik taimaa atuqpallaarnaittumik pauwaqtuutit akinginnik akhuraaluklu ikayurniaqtuq ukiuqtaqtup avatinganik. Ilihimaliqlutit ilanginnik ayurnaittut hunavaluit qanuriliuqtaaqtat atuqpallaarnaittumik pauwaqnik iglukni havakvikniluuniit.
Unaqutain
- Atpaklogo nunaqutim ihuaqutaa unukpan hiniliruvin agilraohimayokagitpaluniin.
- Iliuraklogo qiqhulaaqtuq avatainun igalaan, ukujalo avatain, ikianuagilo atautiguqniginilo.
- Ihuarhalirukni uunaqutit naqitarvinganik, ihuarhihuiqlugu igluap uunaqninnganik. Taimailiuruvit qilaminnuaq igluat uunaktilimaitaa. Puiguqnaqtuq iknikhilaariami taimaatut atuqpallaaqnaqtuq pauwaqtutip akikhanganik.
Ihuaqutivaluin
- Qamilugo qaritauyan, TV, ahiilo ihuaqutin atuqtaugitpata.
- Himauhiliqata ihuaqutin, qiniqlotin aulaniqatiaqtonik, alruyaqtutituqpalaagitoniklo. Ukua naunaipkotiqaqtun 20%-mik mikihiqhamik alruyaqtutinik atuqpaktun.
- Ihumagilogu himauhiriagani utuqaq qiqitiiviin nutaamik alruyaqtutituqpalaagitomik. Uplomi Alruyaqtuqpalaagitun qiqitiiviin 50%- mik atugitun alruyaqtutinik taimanin qulini ukiuni.
- Qiqitiviin Quaqhiiviiluniin niglaumaniginik ihuaqhimayavun. Qiqitiviin 1’C- min 3’C- mun, quaqhiiviiin - 18’C- miilotik qiqumanigin.
- Tugiqpaklogo qiqitiivik iglum haniraanin halumaqtiriagani qiqumayutain tuqhuanuin (kihiani piqaruvin “halumaqtiriitomi” qiqumayutainik). Ikumakhaalimaituq halumakpata tuqhuanuagin tunungani qiqitiivium atuginiqhaulonilo alruyaqtutinik.
- Atuqpaklogo igayutinuaq kayumiktuq tusliurutiluniin igaviugitok. Atulimaituq 50%-mik igayutinun alruyatutin akituniganik.
- Atuqluajavuq alruyaqtuqtuq imaqmik unakhiiyun qaaganiugituq igniqvium qalahalaqtugituqluniin igajun. Pilotin inminik qamilaqtomik imaq unakpan.
Imaq
- Iliurailotin kayumiilarutinik uarutinik kuviviuyuniklo. Ukua 15%-mik aturutaugitaagani unaqtunik imaqnik akituniganik, kayumiilarutin uaqhivikmi imaqmik atuqpalaarutaulaaqtun 10%-mik.
- Kahumiilarutin uaqtiqvikmi uaqhivikmilo kahumikniqaqtun 1.0 - 2.5 GPM (kalan atauhik minitmi).
- Uaqtiqpaklogin niriyutihi amigaiqata kihiani uaqhivikni paniqhiqlogilo taimaginaq.
- Uaqhitailotin niriyutinik unaqtuq kuvitilogo. Imiqlogo uaqvik imaqugitomik uaqhiyaaqni.
- Imaqmik atuqpalaagitaakni ihuaqhaqlogin kutikaqtun kuviyuluniin.
- Umiklogo imaq kigutigikhaqtilogin umiiyaktilotiluniin kuviinagitaagani.
- Naitomik sauvaqlotin imiqlogo uagitaakni. 5-minitmik sauvaruvin atuqniqaqtuq napainaanik imiqlogo uarutim.
- Ililogo imaquqtohigitaagani quyaqtuqvium imaqaqvia ihuaqutimik. Imaktuqpalaalimainavin agiyomik ukiutuaraagan.
Quliin
- Qamilogin quliin aniliruvin igluamin.
- Himauhiqlotin kaimaloriktunuin quliin ikumayutinik atuqpalaagitonik quliqnik, qaraqnahaaqniaqtun. Atauhiq 20-min 25-mun watt-goyuq quliq alruyaqtutinik quliq qaumaniqaqtuq ayikutaanik 100 watt-goyum qulium.
Aanuraanik Uaqhiyotin
- Niglaumayumik imaqmik atuyavutin aanuraaqnik uaqhiguvin. Aginiqhaq aulayun atuqtuq uaqhigaagavin aanuraaqnik atuqniga unaqtuq imaq.
- Uaqhivaklotin tatayutilaaqtonik uaqhinmik ikitugitunik. Atuqpalaalimagitutin imaqmik, pivikhamik, manikmiklo.
- Ihumagijavan niuviriaqni aanoraanik uaqhitimik hivuagun iliuruaviqaqtomik aanoraanik alruyaqtuutituqpalaagitaagani. Imaqtuqpalaagitun, alruyaqtutinulo ihuaqutinik, iqmiutiniklo.
- Ayuqnaitpan, nivigaqpaklogin aanuraatin atuqhimaitomik paniqhiivik.
Aularutin
- Niuviqlotin inminik qamiqataqtomik ikitpakhunilo akhalutivin unaqutaa. Igniqotaita unaqotaa malruuknik pigahunun ikaqniqni aulagumi uunakhimainakniaqtuq igniqun.
Inuinnaqtun