Tikinnahuaqtangit
QEC tunivaktuq aaniqnaittumik, pittaaqtumik ikayuutauyumiklu pauwaqutikhamik ihumaliurutillu akuniraalukmut akituvallaangittumik aulayunnautikhanik Nunavummiunut.
Tautuktuuyaqtangit
Qulliq Alruyaqtuqtunik Kuapuriisiup tautuktuuyaqtangit tunigiami nunallaangit Nunavunmi qayangnaittumik, pittaaqtumik, nungulaittumik manituvallaangittumiklu pauwaqtuutikhanginnik. Tunngavivut pigiami tautuktuuyaaqtaptiknik ittuq pipkaidjutauyumik kiuttaaqtumiklu havakvik, pipkaidjutauyuq Nunavuutim amihuuninginnik, ihumagiyauyuqlu uumannga Inuit Nuatqatigiiknikkut Ukpiriyain, Inuit Qaujimajatuqangit unalu Sivumut Abluqta, maligaq titiraq hitamanganit Maligaliurvikmi katimakmata Nunavut Kavamanganit. Aulapkaivaktugut havakviupluni tautuknaqtumik, kiuttaaqtumik iquhimaittumiklu.
Ilumuurutingillu
Tamna Ilumuurutingillu ilaliutihimayuq uumani Tikinnahuaqtangit Uqaqtamiknik hamma:
Aaniqtailiniq inmat pihimmaaqmallu Kuapuriisiup hivulliqpaaq piyakhangit. Una uqauhiq uqaqtauyuq piyuqlu maligani havaktakhanginnilu Kuapuriisiup havaktinginut naunaittumik atuinnaqlugillu.
Pittaaqtumik tugliuyuq aaniqtailiniqmit. Ihumagilluaqtaat Kuapuriisiup ubluq tamaat aulapkaidjutillugit una pidjutauyuq aaniqnaittumik pittaaqtumiklu ikayuriamikni ikayuqtamiknut.
Ikayuutauyumik iliurainginnarialik tamainnut Kuapuriisiup aulapkaininnganut titiqqiqinirmutlu havaanginnut. Ikayuutautiniq naunaiqtaa QEC-kut pimmariktumik piluni piqutingit Kuapuriisiup piliurhimayuq Nunavunmit, aturlugulu ikayuutingit naunaittumik munarilugit ihuaqtut ilumuurutauyullu.
Qulliq Alruyaqtuqtunik Ikumadjutiit, puymattaiqtugut ihuarnikhaagut piqpahuutiunikkut havaktiptingnik havautiyaptingnullu. QEC-tkut ilitariyait havaakhatik pihimayaamingni aallatqiinik havatiuyunik, piqpahuutiqaqtumik havagvingmingnik taimaa tamaita havaktut quviahugiangita havafvingmingni pitquhitik inmigut piqpahugiangita tamainut inungnut imaalu uqalukhimaitaangita, hunalukaat itquhingillu.
QEC naunaiyaqtauyullu tamainni aulapkaidjutingini ukunanit Inuit Nuatqatigiiknikkut Ukpiriyain maliktaillu ukununnga Inuit Naunaiyainiqmut Ilumuurutingit piliurhimayuq Nunavut Kavamatkut Sivumut Abluqta.
Inuit Nuatqatigiittiarniagut
Tamna tallimauliqtuni Maligaliuryuarvingmi Atuqtakharnik: Turaaqtavut - piqaqtuq tallimanik naunaitunik piumaluaqtauyunik. Tunihimaarniaqtugut ilihairutikharnik ayuiqhautikharniklu taima hanaiyainiaqtun nuttaqqavut, inulramiivut, iningniitlu ihuaqtumik ikayuutikharnik nunaptingni uvanilu atuguminaqtunik havaktukharnik. Talvuuna mikhaatigun, QECkut aulahimaarniaqtun ikayuutikharnik Inuit havaktukharnik ayuiqhautikharnik.
Tapkuat Naunaipkutat Ihumagiyaunit ikayuqhiutiniat tapkuninga GN-kut tapkuatlu QEC-kut pitaqnit ihumagiytai ayyikkutauninik Inuit inuuhinut pinnagiyai tapkuatlu hivuliqtauyut Nunavummiut kayuhinnaqlutiklu tapkuninga GN-kut tapkuatlu QEC-kut hivunukhmaun:
| Inuuqatigiitsiarniq: | upiguhukniq ahiinik, piqatigiknit munaginilu inungnik. |
|---|---|
| Tunnganarniq: | piguqhaqnit nakuuyumik pinahuaqnit hatqiumayumik, tunganaqtumik tamatkivaktumiklu. |
| Pijitsirniq: | kivgaqtuiniq piqaqtitiniqlu ilaginut tamnalu/tamnaluniit nunaliuyut. |
| Aajiiqatigiinniq: | ihumaliurniq atuqhugit uqauhigiyaunit angiqatigikniqlu. |
| Pilimmaksarniq/Pijariuqsarniq: | pivaliatitnit ayuiniqnut tautukhugit, uqauyaunit, uuktuqattarnit, pinahuaqnitlu. |
| Piliriqatigiinniq/Ikajuqtigiinniq: | havaqatigikniq atauhqimun piplugit. |
| Qanuqtuurniq: | uuktugahuaqattarniq atugakhaqhiuqpakniqlu. |
| Avatittinnik Kamatsiarniq: | upigini munaginialu nuna, angutikhat avatigiyauyuqlu. |