Nunaqariami Ukiuqtaqtumi hapkuat pidjutauvaktut hapkuat ayukhautauivaktut taarniraluanik ukiumi, qayurnaqpiarnianun ukiumi uunnaqutikhat ikuummatikhanutlu akikhainik aimagiptingni igluptingnutlu. Nalunnaittuq angitqiyamik Auladjutikhanut akiliqtuiyiuyunit akiliqtuivaktut atuqtamingnik pauwatuutikhamingnut iglumingni, angitqiyamik akiliqtuivaktut tatqiqhiunmi akiliqtakhamingnik, ukimi tatqiqhiutaini. QEC-kut atlannguqtirilimaittut pauwatuutinik aviktuqhimaniani (ihuaqhaqtauhimangmata akikhanit qanuqtut pauwaliurutikhanit pauwaqaqtitiplutiklu igluqpangnik) kihimik ikayuqpaktavut akiliqtuiyut atlannguqtiutikhanik alruyaqtuutimingnik atuqtakmingniklu atuqnikhanutlu iglumingni.
Amihuuyut qanuriliurutikhangit akiliqtuiyut mikhitikhanik pauwatuutikhanut atuqtakhamingnik. Auladjutikhanut akikhilarutikhanik Auladjutikhanutlu pauwaturyuarnaitunik hulidjutikhanik atlatqiinguttaaktut quliit qamitpaklugit anninahuaruvit inuqangitpata igluat iliurailuhilu uunnaqutinut ikidjutikhat iniqtuhilarutikhat/ingnikhilarutikhatlu iglungni hnanminiriyarniluuniit. Taimailiuruvit, akiliqtuiyut mikhiyuumirniaqtat pauwatuutigiyaqtik akiglitihunguyutlu Auladjutikhanut akituutilakhainik ikayuutikhaniklu avatiptingnut nunamut.
Hamma ikayuutikhanut ilauyukhat Auladjutikhanut atuqluaqtalitikhanik Nunavunmi:
- Maningmik Atuqluaqtailitikhanik – Mikhilarunnaqtattit akiliqtuqpaktarnik uunnaqutainut igluqpakpit, alruyaqtuutainut, uqhuryuanutlu akiliqtuqtarnik. Mikhitihunguyuqlu auladjutainut akikhanik ihuaqhaidjutainutlu Auladjutikhanik ingirutit atuqtarnik atuqluarungnairupkit.
- Mikhitihunguyutlu Aktuadjutauyunik Nunamun Ihuatqiyauhunguyutlu Avatimut – Mikitqiyanik Auladjutikhanik aturnianik mikhitilunillu haluummairumut puyuanik. Ikitqiyaniklu haluummairnaqtut pouuyuinik atlatlu pilugyait hiamitauvaktut ikianganun nunamit uqhukhanik auqtauyukhatlu ikulapkailutik alruyaqtuutikhanik atuqhunguyut mikitqiyanik. Nunakput, imaqqut ikiarniqlu haluummatqiyauhunguyut aannialirnaittumiklu.
- Hilaup Aalannguqtirninga – Angitqiyanik Auladjutikhanut atuqtaptingnut, angitqiyanik nunamit uqhuryuanik ikualattivaktugut. Nunamit uqhuryuakhat ilaurutauvaktut hilaup aalannguqtirninganut, hadja aktuutauqpiakpaliqtuq Nunavunmiut. Tamapta uuktuqpagiaqaqugut ikiklitikhanik ikiarnirmut nakuuhuirutauvaktunik kasilinit puuyurnit ilaurutauvaktut hilaup aalannguqtirninganut atuqluaqtailitikhanik Auladjutikhanut.
- Nakutqiyanik Maniliurutikhanik – Auladjutikhanut atuqluaqtailitikhat ihuaqutauhunguyut maningnik tutquqtirutikhat ilauraqtaunginariaqaqtut ahinut imatutlu havaakhanik amigaikpalliutikhanik. Kavamatkut akiliqtuiluarangamik auladjutikhanik atuqtauyunik auladjutikhaniklu ikayuutikhainik, manikhaqarnaqtuq atlanut akikhanik pinahuarutit pivikhaqautikhatlu.
- kiklitikhanik Munaqhidjutikhainut Ingilradjutikhanik – Nunavutip inuqarninnut amigaigyumiinnaqtunut, angitqiyaniklu pidjutauvaliqtunut hadja piyauvaliqtut atuqtauyunut auladjutikhanut ingilradjutikhanik. Angigliyuumiktinnaqtut piyakhainik ingilradjutikhanik, amigaitqiyaniklu munaqhidjutikhainut aullaranginarianginik ingniqutainik. Kihimik, inuk tamarmik muarittiaqpakkumikkik auladjutikhanut atuqluaqtailitikhat, ikiklitihunguyut munaqhidjutikhainut havaktakhanik pauwaqarvingni igluqpaini.
- Ikiklitihunguyut Akituqyuaqtut Nutaat Auladjutikhat Ingilradjutikhanik –Taimatut Nunavunmiut atuqpallakhutik amigaitqiyanik auladjutikhanik, piyariaqaqtugutlu angitqiyanik auladjutikhat ingilradjutikhanik naamadjutikhanik angitqiyanik piqaqtukhanguqtut. Hamna akituryuaqtuq angitqiyaniklu akikhanik auladjutikhainut atuqtauyunik Nunavunmiut. Atuqluaruikpalirupta auladjutikhanik, hivitutqiyaniklu atuqhimmaruptigik ingilradjutikhanik angigliyuumikhimaitumiklu ihuaqutauhunguyut.