Talvani Naunaitkutaani 23mi Nunavunmi Nunataarutaanut Angirutaani, Qulliq Alruyaqtuqtunik Ikumadjutiit havakhimaaqtun pivalliayaangat havagviani ilauqaqtukharnik inungnik ikayukhimaanginaqtaptingnik. Ilagiyainik havakhimaanginaqtaptingnik Inuinarnik havaktitiukharnik, unalu ilangani hivutunirmik kavamatkuni hanaqidjutikharnik, havakpakhimayugut Inuinarnik Havaktukharnik Upalungairutikharnik (IEP). Tamna IEPngit anginirmik titiraqhimayuq havaktukharnik hanaqidjutikharnik naunaiyagiikhimayuq atuqtaptingnik ikayuutikharnik hivunirmilu hanaqidjutikharnik amgiaryumiqhimayumiklu Inuinarnik havaktukharnik avatingni kuapuraisinmi. Talvuuna IEPtigun, havakpakhimayugut qaffiunik havaktukharnik ikayuutikharnik havakhimayut ikayugianganik Inuinait havaktiuyut piyaanganiklu havaarumayainik hivutunirmi. Ilangit aulahimayut ikayuutikhangit ilauqaqtun:
Inuinnait Hivuliqtikhanun Pivalliadjutikhanik Pinahuarut
Hviunikhanga Inuinait Hivuliqtikharnik Pivallaidjutikharnik Ikayuutikhaq tunihiniaqtuq Inuinarnik havaktukharnik pidjutiqarlutik piyaangat ilihairutikharnik, havakpakhimayainik, ayuittiagiikhimayunik ilitagidjutikharnik piqaqtukhaq iniqtigiyaanga angiyukhiq havaangit talvani Havagviani.
Inuinait Havaariraakpaktakhanut Pivalliadjutikhanut Qanuriliurutikhaq
Inuinait Havaariraakpaktakhanut Pivalliadjutikhanut Qanuriliurutikhaq pigiaqtitiniaqtun Inuinarnik havaktinik ilauyukharnik nuutaami havaanganik aulahimayut havakpakhimayainik, iniqtirlutiklu ilihairutikharnik havaanganik, ilaulutiklu ayuiqhautikharnik katimavikharnik, piyaangatlu ayuittigiikhimayunik ilitagidjutikharnik.
Havaakhanut Ilihaqtunut Pinahuarut
Tamna Havaakhanut Ilihaqtunut Pinahuarut atuqhimaaquyut Inuinarnik havaktukharnik talvani malikhautiqaqtuq hanayiingit havaangnik tunihimaarlutik hanayaliqiyukharnik havaktukharnik, ayuiqhautikharnik pihimayaangatlu Inuinarnik havaktinik qaffiuyunik alruyaliqiyunik hanayukharnik havaanganik. Tamna havaaqha ilauqaqtuq Pauwangnik Alruyaliqiyukharnik, Angiyunik Ingilrutikharnik Havaanganik, Pauwakharniklu Alruyaliqiyukharnik; Pauwarnik Atuqtauvakhimayunik Ayuittiagiikhimayut, Ilakharniklu Ingilrutingnik Havaktikharnik - Hunavalungnik Iniglrutikharnik Havaktiuyukharnik.
Auyami Ilihaqtunut Havaktipkaidjutikhaq
Tamna Auyami Ilihaqtunut Havaktipkaidjutikhaq Ikayuutikhaq tautuktitinaiqtuq allatqiinik havaanganik talvani Havagvingmi tunihimaarlugit pidjutikharnik piqagianganik ilihimayakharnik havaktakharniklu piqaqtukharnik ihuarutikharnik upalungaikhimayukhaq havaagumayamingnun.
Apiqqutikhaqaruvit talvuuna QECkungit IEPnik, hivayaqlugu Havaktuliqiyitkut havagviangit uvani hr@qec.nu.ca