Amigaittut inuit atuqpaktaa taitjutit “Aallat Aulatjutikhat” unalu “Aularaanginnaqtuq Aulatjuti” himmautigiiqattarhugik. Una ihuittumik ihumagiyauniuyuq aulatjutikhani taimaatut tukihitjutait angiyumik aallangaukmata. Aularaanginnaqtut aulatjutit piyauhimayuq nunamin piqutainnin ingilranianinlu-aularaanginnarutiqaqtut imaatut imakkut, hiqinikkut anurikkullu pitjutinin. Aallat aulatjutikhat, huli atuqpakhutik aulatjutikhanik aularaanginnaqtunin ingilrautjutinin, ilaqaqtuq nunguttaaqtunin piviknin imaatut kaasaliinit aallanik-aulatjutivaktunik, hydrogen fuel cells, biofuel unalu ethanol. Tamarmik allat aulatjutikhat ukuallu aularaanginnaqtut aulatjutikhat piliuqpaktut ikitqiyauyunik puyunik taapkunannga atuqtauraanginnaqtunin aulatjutigiyauvaktunun. Hapkuat avatimi aularaanginnaqtut pitjutit pimmarighaqtauhimavaktut nunaryuami pilluangittaangani puyunik mikhilaaqtinniarhugulu algunngup puyuinnik pipkaitjutiptiknik. QEC tatja havaqatigiyait kavamatuqatkunni pivigiyauviit piniarnikkut manikkut ikayurutikhanik ukununga aallanin aulatjutikhakkut piniarhimatjutikhani Nunavunmi.
QEC-kut District Heat System (uunnakhitjutit), ilihimayauyullu imaatut Residual Heat (uunnagiiqhimaniq atuqtakhaq) atuqtauhimayuq ukunani qaangiqhimaliqtuni 15 ukiuni kaffini nunallaani tamaani Nunavunmi. Taamnauyuq aallamin aulatjutikhanik pitjuti pipkaqtitpaktaatigut uunarnirnik pihimayut pauwaliurutinin taapkunannga urhuryuaqtuqtunin janariitanin. Uunarniutaa janariitanin atuqtauvaktuq nakuuyumik nuutiqtittugut uunaghiiyaangani kaffinik igluqpanik imaakiaq iliharviknik, aanniarviknik havakvikniklu.
Ilitturiyuummirumaguvit ukuninga DHS-kut pitjutiptiknik Nunavunmi, naqillugu hamna.