Nunavut angitqiyauyuq 13-nit nunauyunit avikturviinnillu Kanatami tamaat nunanga taimaa ittuq 1,936,113 km2. Nunamiittut nunaqaqtut taimaa 14,400 pauvatuqpaktut akilikhivlutik uunaqutikhanut, ikumadjutikhanut pauvatuutikhanullu aihimavikmingnut. Qulliq Alruyaktuqtunik Ikumadjutiit (QEC), quviagiyaqqut atauhiinnauvluta auladjutikhanut havaariyaqqut alruyaktuqtunik Nunavunmi. Havaakhaq angiyuq nakuuvluni ikayuutigivlugu, ayuqhautigivakhugulu – ikittut ilangit aallangavluta aallanit pauvaliqiyinit nunami.
Nunavutip alruyaktuqtunut auladjutaat aallangayuq aallanit avikturviinnit nunanillu Kanatami ikittuni pidjutainni. Hivullikpaaq, Nunavut piqangittuq atuqatigiigutikhamut pauvatuutikhainik. Taimaa ittuq tamaita nunallaat inmikkut puvatuqviqaqtut alruyaktuutikhanut, nunamingni. Naunaikpagait inminikkuungmata taimaa “island mode” unaluunniit micro-grid, aallangayuq nunanit Kanatami taimaa tamaita nunalipauyaq, nunanga, nunallaallu latitirhimayut atavlutik aadjikkutamut alruyaqtuutinut pavualiqidjutikhanut.
Atauhiq pidjutaa piqangittumik atuqatifiikpaktamingnut atayumut pauvatuutikhamik taimaa pauvatuutit atuqtaulimaittut akunngani nunallaani. Kangiqhidjutaa pauvaikhimaliqqat, pidjutikhaittuq atalugu nunallaamit nunallaamut pauvatuutikhamik pauvikhimaliqqata nunallaamiutat. Ukiuqtaqtumi ukiumi pauvaikhimaliqqat qilamiurutauvaktuq pauvatuutikhaq atuqtauvaktuq nunallaanut qilamiurutinut ingniqutiqaqtut pauvaikhimadjutikhanik pauvaliqivikni.
Tuglia pauvatuutinut Nunavunmi taimaa pauvatuutiqangittugut aallamik nunallaami. Nunagiyakkut tadja atuqpagait aquiqtuqhimayut uqahuqyuat pauvatuutigivlugu nunamit pihimaittutik. Tadja piqaqtugut 25 pauvaliqiviit tamainni Nunavunmi 25-ni nunallaani aulvaktut uqhuqyuatiguyt alruyaktuutigivlugu. Tamainni ukiunginni, uhuqyuat niuvirtauvaktut umiakkut akyaktauvakhutik auyami umiakturnaqhigaangat tutquumavlugit uqhuqyuaqarvikyuani tamainni nunallaani. Uqhuqyuat atuqtauvaktut pauvatuutigivlugit alruyaktuutikhanut nunanut.
Kingullikpaaq, auladjutigiyakkut aallangayuq aallanit pauvatuutikhanut nunami. Uqhuqyuaqtuqtunut pauvatuutikhaqarapta alruyaktuutikhanik nunami, pauvaliqiyivut pauvatuutikhat qamittaaqtait ikillugillu naunaikhimavlugit pauvatuutikhat. Naunaitkutarivlugu, alruyaktuutit angitqiyauyut niglaraangat, taaqtumi ukiumi taimaatut amigaikpaktut pauvatuutikhangit talvani. QEC-kut pauvatuutinut havaktit pauvaliqiyiuyutut, alruyaliqiyiit ilingaiyaiyillu havaktit havattiakpaktut ayungnaqhigaluaqtillugu auladjutikhanut nunakyuami. Ihuirutivaktunut tuluganit pikhilaqikyuaraangallu, havattiakpaktut havaktivut aghut havakpiakpaktut pauvaliqtittutik munarivlugillu pauvatuutikhat nunallaaptingni.