Nunallaani Uunaqutini Pidjutait (DHS), ilihimayauyut uunaqutivikhamut pauvvaliqivikhamut uunaqutigiyauyunut, naunaiktautaaqtut pauvvatuutikhaq pauvvaliqiviuyumit atuqtauvaktuq iglunut, havagviuyunut havagvikyuanullu pauvvatuqpaktunut atuqtakhainut iglukpanut uunaqutikhaq, imakmut uunaqutikhaq unalu pidjutikhanut uunaqutikhat. Naunaiktauhimayuq ihuaqtumik hanaqidjutauyuq ayungnaittuni munariyaami auladjutikhanullu ilingaiyaidjutikhanut akituvallaangittuni.
QEC-kuni, pauvvaliqivikhamut uunaqutikhat pauvvaliqivikmit atuqtauvaktuq atuqtittugu pauvvatuqpaktunut talvuuna pauvvaliqivikhaliuqhimayumit. Taimaatut pigaangata, pauvvatuqpaktut ikayuutigiyaat akilikpaktamingnut 10 pusat amigaitqiyaanitluunniit uunaqutinut akikhainut. Taimaatuinangittuqlu, pauvvatuqpaktut ilihimaliqtaat mikhilaaqtumik auladjutinut ilingaiyaidjutikhanullu akikhainut, atuqhimmaaliqhugillu inmik uunaqutimingnut.
DHS mikhilaaqtangit algunngup puyua aturumainnaqtaptingnullu uqhuryuakhanik nunaptingni. Aturnikkut ilaquinniq uunaqutinik, QEC-kut tunijun uunaqutinik nunallaanik havagviinnun, kavamatkunnun timiqutinunlllu uvuuna maniliqinikkut tunngavikkutikkut, hapkunani nunallaani.
- Iqaluit
- Kangiqliniq
- Arviat
- Kugluktuk
- Sanikiluaq
- Taloyoak
Taimaa nunallaami nanminiqaqtut, kavamatkut havagviuyullu atuqtut pauvvaliqivikmit auladjutikhanik uunaqutigivlugu havagvingmingnut.
Tadja atuqtugut pigiyaptingnik DHS-mik uunaqutigivlugit QEC-kut havagvianut akhaluutiliqinirmut havagvikyuallu ukunani Iqaluit, Sanikiluaq, Iglulik, Kugaaryuk, Taloyoak, Iqaluktuuttiaq, unalu Salliq. Nunavunmi, DHS atuqtipkaingittuq 3 million liters-nik ingnirvingnun urhuqjuanik ukiuq tamaat atuqtauniaraluaqtuni iglunun uunnakhidjutikhanun. Una aalla auladjutikhaq pipkaktaatigut ihuaqtumik atuqtittuta umiakkut akyaktauvaktut uqhuqyuakhat ikiklilaaqhugu algunngup puyua.
QEC-kut nutaanguqtiliqtait ihuaqhaqhugillu atuqtauyut DHS uunaqutikhat naunaiyakhutiklu hivunngani illiriyakhat angikliyuumilugulu DHS-mut atuqtakhait aallani nunallaani. Pidjutikhariniaqtaat aallanut pauvvatuqpaktunut atuqliqlugu DHS-mik akikhilaaqlugu uunaqutinut akikhainut.