Nanminiqarmata Qaritauyakkurutikhanik
Hamna qaritauyakkurut nanminiriyauyuq aulapkaktauplunillu Qulliq Alruyaqtutinik ıkumadjutiit (QEC) atannguyaqarviqaqtut talvani Qamanittuaq, Nunavut. Titiraqarvikkut titiqiqiviat Qamanittuaq, NU X0C-0A0 QEC atiqaqtut imatut Nunavunmi Pauvvaqarviit aullapkaiyullu pauvvaqarvikhanik tamaini 25 nunallaangini Nunavunmi.
Angirutikharnik naunaikhitikhat atuqtakhangillu atuqtaunikhanut
Hivuani atuliqtinagu qaritauyakkurutikhaq, ihuatqiyauhunguyuq ihivriurupkit hapkuat QEC-kut naunaikhitikhat atuqtakhangillu aturnikhainik naunaiyakhimayut hamani. Ilainik tamainikluuniit atuqtaunikhainik uma qaritauyakkuurutikhap pidjutaanut naunaikhitikhat atuqtakhangillu. Naunaikhittiadjavutit hapkuat naunaikhitikhat atuqtakhangillu atuqtaunikhait allanguqtauniarunakhiyut uvaluuniit nutannguqtaulutik QEC-kunit qakurunguraikpat tuhaqtitihimaitumik. Atuqhimarutitit uminga qaritauyakkurutikhamik kinguani allanguqtaunianit kigliqarniaqtut pidjutikharnik angirutimiklu kitunik nutaanik naunaikhitikhat atuqtakhangillu. Ilviinaq munariyakhatit atuqiuplutit uminga qaritauyakkurutikhamik ihivriuttiaqpaklugit hapkuat naunaikhitikhat atuqtakhangillu atuqtaunikhainut. Angikhimaitkuvit, ilanginik QEC-kut naunaikhitikhat atuqtakhangillu atuutikhainut, atulimaitatit uvaluuniit tautulimaitat hamna qaritauyakkurutikhaq.
Aturnikhanik qaritauyakkurutikhamik angiqtauhimaitunut pidjutikhanik
Atuqtakhangitat hamna qaritauyakkurutikhaq hunanutliqaak ihuinnarutaullayunut pitquyaungitunutlu hapkunanga naunaikhitikhat atuqtakhangillu tamainutlu atuqtaunikhainut nunani, avikturhimayumit, Kanatami, nunaryuami ahianillu maligatigut uvaluuniit maliruagakhat maliqatquyauhimayunik atuutikhanik hamna qaritauyakkurutikhaq. Atuqtakharingitat qaritauyakkurutikhaq qanuqtutliqaak ihuirutauniaqtunut, pillimairutauniaqtunut, tattatpallarumik nutqarniarmata ingutaimairutilutik, allanit atuqtiuyunit quviagiplugit ihuariplugitlu qaritauyakkurutikhaq.
Maniliurutikhaungittut
Hamna qaritauyakkurutikhaq iluaniittullu atuqtakhaliukhimayut inungnit maniliurutikhaungittut. Adjiliurutikhangit pidjutikhainik qaritauyakkurutimit titirautainik uvaluuniit atuqtakhanik ikiglihimayukhat atauhiinarmik atauhirmit qaritauyamit iningnut atuqtakharnik, maniliurutikhaungittut . Aturnikhainik adjiliururnahuaruvit pidjutikhainik titiqanik titiraqtakhanikluuniit pidjutaulimaittuq atianik hunatliiqaak pilaarutaiikhainut, piksaqaqtumikluuniit naunaitkutanik uvaluuniit naunaikutit ilitagidjutikpiutigiyauyunik hainik QEC-kunit, pidjutiqaqtut hapkuninga pittailitikhanik. Piyukhaungittutit, ilingnik,uvaluuniit angiqtaqharingitatit aallnik inungnik uvaluuniit pipkailutit imatut:
- aallanguqtiglugit Iluaniittunik uvaluuniit atuqlugit maniliurutigikhanut aturahuarlugit, uvaluuniit atulimaitatit inungnut takuyakhanguglugit, atuqtitlugit, niuvrutigilugit uvaluuniit akiqaqtumik atuqtitlugit;
- unngavaqtiqlugit uvaluuniit aallanguqtiqlugit naunaikutit ilitagidjutikhainik,uvaluuniit aallanik piutigiyainik naunaitkutikhainik talvanga Iliuanniittunit; (c) tuniyakhagingitatit IIluanniittut aallamut inungmut;
- amihunit atuqtaunikhainik qaritauyakkuurutit;
- avalulirlugu qaritauyakkuurutit;uvaluuniit
- hivuagut angiqtauhimaitkuvit titiqamik tuniyaungitkuvit angiqtaudjutikhanik atannguyauyumit QEC-kunit.
Tuyuutauhimayut piutigiliqpaktait QEC-kunit
Ilangitluuniit tamaitallu uqaqtauhimayut titiraqtauhimayut, uqautihi, iumaliurutihi pitquyahi, ihumaliurutihi aallallu tuyutauhimayut uqautauhimayutlu, tuyutauhimayut uvaluuniit tuniyauhimayut ilaurutikhanik atuqnikhainik hamna qaritauyakkurutimik, piutauliqhunguyut piutiginiaqtaillu QEC-kunit. Taimaitut uniqtuutit, tuyutauhimayut uvaluuniit tunihiyumadjutit tuyutigiyatit maligatigut piutigiliqhunguyait QEC-kunit pilaarutait, atiinik piyumayainik tamainik naunaikutit ilitagidjutikhainit aallaniklu tamaita qauhimattiarnikkut nanminiriyanut titirauyakhimayut tuyuutahimayut. Taimaitumik, QE-kut piutigilikhunguyait tamaita pilaarutait, atiinik piyumayainiklu tahapkunainaungitunik atuqtaunikhainut, maniliurutikhanut ahiagutluuniit, kitunikliqaak tuyutauhimayut talvuunaluuniit qaritauyakkurutikkut. Taimatullu, QEC-kut piyakhaitut tuyuutauhimayunik hiamitiktakhaungitunik, akiliqhilutikluuniit uvaluuniit maniliurutikhanik niuvviktaukpata tuyuutauhimayunit uvaluuniit kiudjutikhanut kitunutliqaak atuqtunit tuyuutainut. Taimaitumik, apiriyaptigit tuyuruigluta tuniyakhanik tuniyumangitkupkit QEC-kunut.
Angiruvit tuyuutigihimayatit qaritauyakkurutikkut ihuinarutauyunik pilaarutainik pingahuanut ilauyunut, ilauyullu piutigiyainik naunaitkutikhainik, naunaikutit ilitagidjutikhainik, hiamitigakhaungitunut uvaluuniit aallaplu inuup pilaarutainik. Angiqtukhauyutit tuyuutigihimayatit qaritauyakkurutikkut piqaqtukhaungitut ihuinnarutaulayunik, ihuigiyaudjutinik kangunaqtunikluuniit hunanikliqaak. Ilivit, kihivit munarittiaqtakhariyatit, titiqanik iluanniittunik tuyuutigihimayangnik. Taimaitumik, QEC-kut pilaarutiqaqtut ungavaglugit igitlugitluuniit tuyuutauhimayut nalvarumik ihuittunik tuyuutinik.
Naunaiqtauhimayut naunaitkutitit tuyuutigihimayatit katitiqtauhunguyut, atuqtaulutiklu uqaqtaugumik maliktakhait maliqayakhanik talvani Hiamitiqtukhaungitunik Naunairutikhami.
Takuyaqturvikhanik pinguanut atuqtauyunik qaritauyakkurutinik pivikhaqautikhaniklu
Tamna qaritauyakkurutikhaq piqaqtuq takuyaqturvikhanik aallanut qaritauyakkurutinut piutigiyaungitunut, munariyaungitutlu aulapkaqtaungitullu QEC-kunit. Imaitunut, QEC-kut pipkailimaitut, munaqhilimaitut uvaluuniit akiliqtakhanut nallaumayunik inikpiakhimadjutanut naunaitkutikhat uvalunniit qaritauyaliqutikhanik, aallaniklu atuqtakhanik adjiliuqtauhimayunik talvanga piyauhimayunik takuyaqturvikhainit uvaluuniit qaritauyakkurvingnit talvani takuyaqturvikhanit. QEC-kut piyakhaliukhimaitut takuyaqturvikhanik qaritauyakkurutikhani talvungavikhanik angiutaulutikluuniit takuyaqturvikhanik, hapkuat ihuaqutikhaliukhimayait takuyaqturvikhat ihuaqutaukaffuktunik. Ilvit munariyakhatit uuktuqquyauplutillu, hungiutinahuaklugit naunaikhitikhat atuqtakhangillu, maligaitigut hiamitirnaitukkutlu naunaitkutikhanik nalliani pingahuanit atuqtauyunik uvaluuniit takuyaqturvikhanik qaritauyakkuurutikhanut aallatqingungmata ilanginit qaritauyakkurutikhanit.
Atuutikhanik titirannuat iliuraqpaktut (cookies)
Hamna qaritauyakkurutikhaq piniarungnakhiyuq, qakungunguraikpat, aturungni qaritauyakkurutimit qinikhiadjutikhat qauyimayauyut imatut titirannuat iliuraqpaktut (cookies).’ Titirannuat iliuraqpaktut (cookies) mikkatannuanguyut titiqat tutqumaviit titiraqhimayut Qaritauyakkurunmi (Internet server) aallamut Qaritauyakkurutikhami atuqtup qinikhiadjuta naunaitkutit tuyutauyarangata avatingnut. Titirannuat iliuraqpaktut (cookies) piqaqpaktut qaritauyakkurutip “ ilihimayainik” hivulliqpami taiguaqpaktaillu qaritauyakkurunmit iliuraqtauhimayunit.
Hunauvali Titirannuat iliuraqpaktut (cookies)?
Titirannuat iliuraqpaktut (cookies) ihuaqutauyut ilagiyauplutiklu qanuqtut Qaritauyakkurutit (Internet) havaktauvagiakhainut atauhirmut turrangadjutit qaritauyanut tutqumaviit qinikhiadjutitlu uttiorangavit. Takuurihimaguvit uminga qaritauyakkurutikhamik turraaktitpaktatitlu atirnik titiragakhaitumik, ilingnut turrangavikhanut, hamna pipkaktauhimayunakhiyuq imaitumit Titirannuat iliuraqpaktut (cookie). Titirannuat iliuraqpaktut (cookies) taimaqpaktuq qimakkangangni qaritauyakkurutikhaq. Amigaitut qaritauyakkurutikhat ihuaqhaqtauhimayut titirannuat iliuraqpaktut (cookies) ihuaqhiyaullayut pittailitikhanik hapkuninga titirannuat iliuraqpaktut (cookies) uvaluuniit naunaikhilutik titirannuat iliuraqpaktut (cookies). Pittailipkarahuarungni tamna titirannuat iliuraqpaktut (cookies) turrangayunik talvunga qaritauyakkurunmut, atulimaitatit tamaita qaritauyakkurutip pidjutihainik, qiniqtaaktatit kihimi qaritauyakkurutikhamik ayukharnaitumiklu.
Atuqtup qauyimayakhait
QEC-kut piqaqitait iluanniittunik qaritauyakkurutikhat ihuaqtumik aulanikhainik kilikhiyakhaitumiklu, atuqtakhangillu uvaluuniit ilaudjutikhainik qanuritunikliqaak, uqaqtauhimayunik naunaikhimayulluuiniit, pidjutainut ayuqtakhanik maligainut. QEC-kut naunaikhitikhat nutannguqtauyukhat qaritauyakkurutikhanitut, nallaumalutiklu ayurharnaitumik ihuirutinik atuutikhanik qaritauyakkurutimik, QEC-kut akilikhilimaitut ilanganik tamainikluuniit pidjutainik, akiliqtuutikhainik atuqtakhanginiklu pittiarutikhainik qaritauyakkurutikhamik iluanniituniklu, qilamiurutikhanik, havaakhanginikluuniit, ilauyullu; akiliqtuktakhangit atianik, nallaumaniinik, iniqtittiakhimayainik, niuvrutaulayunut qanuritunut pidjutikhanik.
Unaluttauq, QEC-kut akiliqhiyuitut atuutikhanik qaritauyakkurutinik, aulladjutkhanikluuniit or qaritauyakkurutinik, iluanniittunikluuniit, ikayuutikhanikluuniit talvanga, nutqangalimaitut ihuilimaitutlu; ihuiqqat ihuahiyauhunguyuq; tamna qaritauyakkurutikhamik aulladjutaillu piqangitut ihuirutikhanik aallanikluuniit nakkuhuirutikhaitut. Taimatullu, naunaiyautikhat nutannguqtauvaktut atuqtakhainit ahianit QEC-kunit imatutlu QEC-kut akiliqtakhanik pilimaitut munariyakhaniklu nallaumanikhainut naunaikhitikhanik. QEC-kut akiliqhilimaitut akhiruqtauhimayunik, ilauyullu aallangayut, pidjutaungitut akhiruqtaukpata, talvanga atuutikhanik iluanniittunit qaritauyakkurutit.
Maliqaplugit qulaniitut, QEC-kut akiliqhipkaqtaulimaitut hapkuninga:
- nutqautauhimayut, ihuiqhimayut, kayumikhimaningit uavluuniit nutqautaullayunik allanik qaritauyakkurutikhamik qaritauyakkurutikhanik pivikhaqautikhanik, atuqtakhaliuqhimayavut, tutqumavivut uvaluuniit ilagiyainik, hunanikliqaak pidjutauyunik;
- maniliungitpata uvaluuniit ahiruqtuqaqat niuvviktauhimayunik, ilikhamingnik hanaihihimayut, hannivaihimayut qanuriliurutikhalluuniit naunaiyakhimayarnit tuniyauhimayunik qaritauyakkurunmi;
- maniliungitpata ahiruqtuqaqatluuniit akiliqtuiyup amigaitilanginik, aallanit amigaitilanginik turragayunik turrangangitunikluuniit ihuiqhimayut atuqtakhaptingnit,pingahuanit havaqatigiiktunit atuqtakhat, pauvvaikallakpata, angiqtauhimaitumik piyaukpata, kukiktaukpata amigaitilanginik titiqat, qaritauyat qaritauyanut nakuuhuirutaullayut, ayukhautiqaqtitiniaqtuq naunaitkuta atuqtaptingni pingahuanit havaqatigiiktunit atuqtakhat, atuqtakhanut ihuingayut hugingitkuptigit uvagut;
- nutqautauhimayut, ihuiqhimayut, kayumikhimaningit uavluuniit nutqautaullayunik allanik pivikhaqautikhanik, atuqtakhaliuqhimayavut, pittailiyiitunik;
- pingahuanit havaqatigiiktunit atuqtakhat inungnit ahianik takupkaidjutikhanik tuhapkaidjutikhaniklu pivikhaqautinit, qaritauyakkurutikhat pivikhat, alruyaqarvikhat, nunani atannguyat naunaitkutikhaniklu atannugyanit; uvaluuniit
- hunakutliqaak huliakhat uvagut pittaililimaitavut.
Piksaaliuknikmun
Tamaita piksaliukhimayut piksatlu atuqtauvaktut qaritauyakkurutikhamik piyauhimayut QEC-kunit aulayukharnik ihuaqtumik ukpiriplugitlu ihuaqtumik piyauhimayut atuqtauyukhanik. Kihimi, angiqtauhimaitumik atuqtaukpata piksagiyarnik atuqhutik uqarvigidjavaptigut. Taimatullu, adjikivyaktut piksat piksaliukhimayutluuniit hiamitiqtauyuitut.
AANNIRTUQAQNIARUNGNAQHIKPAT
Aturuffiuk qaritauyakkurutikput,qauyimayutit angiqhimayutillu aturnikhainik ilvit kihivit qayagiyakhatit, munariyakhatitlu ilvit akiliqtukhanik tamainut pivikhaqautinut atrnikkut turragayunik atuutikhanik qaritauyakkurutikhamik taimatullu QEC-kut akilikhilimaitut akhiruqqata qanuqtutliqaak, pidjutauyunut pidjutaitunutluuniit, aturnianit qaritauyakkurutinit.
Nainarhimayut Tuhaktiititjutirhait
QEC-kut ihuaqtumiknaunaikhinahuaqpaktut atuqtakhamingnit, kihimi, QEC-kut pinahuayuitut naunaiqtakhanik ihumagiyauyuniklu piyauhimayunik qaritauyakkurutikhamik nallaumayakhainik, ihuariakhainik iniqhimayakhainiklu. Naunaiyautikhat ihumagiyauyutlu talvaniitut qaritauyakkurutikhamik iliyauhiayut inungnit atuqtauyukhanik naunaiyautikaffuyukhanik ilanillu aallanguqtauvaktut ilitturipkaihimaitumik inungnik. Hunatliqaak talvaniitut qaritauyakkurutikhamik pidjutaitut maningmik, maniliurutikhamik, maligatigut, taaksiiyautinik, uvaluuniit uqaudjinikkut, atuqtauyukhaungitut maniliurutaunahuaklutik ihumaliurutigilugitluuniit. Piyukhauyutit ihuaqtunik kituniklu ayuikhattiakhimayumit uqaudjimit manikkut ihumaliurnatit.
Akiliqtauyukhat Piyaquqtunut
Angiruvit pittaililugu, akiliqtauyukhanik piyaquqtunut QEC-kut, havaktiillu, aulapkaiyiit ilauyullu aallat ayukhaqtitingitut tamainit akiliqtauyukhanit, akiligialiit, akiliqtukhat ukunanga, iluiyagiyavit akikhainik, turrangayunik ihuinarutauhimayunut naunaikhitikhat atuqtakhangillu atuqhimayarnik.
Maligaliuktait Maliktakhanut nunanganillu
Aturupkit hamna qaritauyakkurutikhaq munariyauniaqtuq, piyauyuq pipkaidjutaugumilu angiqatigiikhugu uumunnga maligangit Nunavut unalu maligangit Kanatap pittaarumi.talvani. Taimailiuravit angiqtutit atauhiinarmut avaliitumut nunani apiqhuiyiryuangiklu Nunavutip, maligatigut pidjutaukpata talvanga uvaluuniit turrangayunik atuurupkit hamna qaritauyakkuurutikhanik.