Qulliq Alrujaqtuqtunik Ikumadjutiit (QEC) tuhaqtittumayait Nunavummiut tamnatamaita aulaaranginnaqtun auladjutikhat, iliuraqtauhimayut igluqpangnut atayut pauwaliqidjutimut atayut pauwatuutikhanut alruyaqaqtunut, piyariaqaqtun angiqtaudjutikhamik Nunavut Kavamanga Havagviani taffumanga Atanilluaq Ihivriuqtilluaq, Alruyaqtuqtunik ukuallu QEC-kunit.
Naunairiangani hivurannaittumik pauwaliurutikhanut havaktinut imaalu ihuaqtunik aulapkaidjutikhanik avikturnianni alrujaqtuutit aturnikhait; Nunavummiut pijariaqaqtut havaqatigilugit QEC-kut aulaaranginnaqtun auladjutikhat iliuraidjutikhannik.
Kitutliqak aulaaranginnaqtun auladjutikhat atuqtaujut atajut pauwatuutikhanut alrujaqaqtunut angiqtauhimaitut QEC-kunnit ukuallu havagviat Atanilluaq Ihivriuqtilluaq tunijauttaaqtuq Titiraqhimajumik Pauwatuutaa Kipijauluni.
Naunaiqhittiarumaguvit talvuuna QEC-kut alruyaqtutit atuqtakhangit pitquyauhimayut, uqarvigilugu (1-867-979-7583) 979-7583 imaaluuniit qaritaujakkut titirarvigilugu apiqqutikhanit talvunga servicedesk@qec.nu.ca.
Naunaiqhittiarumaguvit talvuuna aulaaranginnaqtun auladjutikhat atuqtauyut upalungaiyautinik ihivriurut, laisimik ihivriurutikhainiklu, uqarvigilugit Havagia Atannilluaq Alruyiqinikkut Qauyihaiyi: uvani electricalsafety@gov.nu.ca.
###
Tuhaqtidjutikhanut Uqarvikhaq:
Catherine Whittaker
Atannguyaq, Kuapuriissat Tuhaqtittiyiit
Qulliq Alruyaktuqtunik Ikumadjutiit
(867) 979-7513