Akiliqtuijun atuqujauhimajun ivjarutinik ukunani QEC Akiliqtuijunun Ikajuqtiinni havagviinni munarittiarutikhainnun ihuuhirittiarutainnik QEC-kunni havaktiinni Nunavunmilu nunallaanik. Akiliqtuijunun Ikajuqtiinni havagviit nunalgit Kangiqlinirmi, Qamanittuami, Iqalungni Iqaluktuuttiamilu, tadjalu angmaumajun havagutikkut ikaarniinni (8:30 ublaami 5mun ubluumaat nunallaani ubluqhiutainni).
Kikliqaqtun qaffiujunik inungnik itiqtaaqtun Akiliqtuijunun ikajuqtiinni havagviinni atauttimi. Tamaita akiliqtuijun apirijaujun ihumagittiaquplutin inungnun aanniaqtailinikkut kikliqarutait taimaatun illutik malruuknik miitanik (6 feet) ahiqpaqhimalutik atimalutiklu ivjarutinik.
Hivulliqpaaq ikaarniq havangnikkut tikkuaqtauhimajuq inirnikhanun aallanullu aannialaqittaaqtunun inungnun.
Akiliqtuivaktun akhuuqtaujut hivajaqulugu una 1-866-710-4200 qaritaujakkut titiqqiluguluunnit customercare@qec.nu.ca apirhuutinun ihumaaluutinulluunniit mighaagun QEC-kunni havagutainnik. Aallanun ilitturipkaidjutikhanik tamainni akiliqtuinikkut qanuriliurutikhanun, takulugu QEC-kut qaritaujaqkuurutaani taimaatun naqillugu hamna.
###
Tuhaqtidjutikhanut Uqarvikhaq:
Renee Boucher
Atanngujaullaktuq, Kuapuriisitkunni Tuhaumapkaidjutini
Qulliq Alrujaqtuqtunik Ikumadjutiit
(867) 979-7524