Nunalaani nirutikhangit aulanialirmanik, Qulliq Alruyaqtuqtunik Ikumadjutiit (QEC) itqumaquinaqtun Nunavunmiunun iliugaqtaiquplugit titirarnik tautuktaujukhat inungnun naunairutingitlu napaqutingnun alrujangit. Nivingayut tuhaadjutikhangit pauwaqarviit napaqutaini naunaiyaqhimayut napagiat nayugait, uvalu majugagiangat kamngit kukiilgit, uvalu nivingaktirutit kikianuangitluuniit piiqtauhimangitun napagiarmi qajangnairutiqaqtun tapkununga alrujaliqijiit havaktiinun.
QEC-kut apirivaktaillu Nunavunmiut aulahimaaqujut qajangnairutingnik haniani pauwaliqidjutini napariani ukiuq tamaat. Itqaumaluhi hapkuninga pinahuaqtauhimangittut pauwaikhimaliqan, aanniqtuqarniarman, tuqupkarniaqtunluuniit:
- Itqaumalutin mikinikhaanun ungahikniqarlutin pingahunik miitanik pauwaliqinikkut napaqutingit alrujanin.
- Ingilrutit ikajuutaujut pauwaqarviit napariat taima nuhukkautait majurutit hauhimajungnarhijun apunmin. Qajangnaittumik akhaluutiturlutin ungahiktukkut tunngaviinnin pawaqarviit naparianin. Ilitturipkarumaplugin akhaluutituqtun, QEC-kut iliuraqhimajun qaumajunik puukhainnik nuhukkautainni haniani apqunmi akhaluutit aulavigiluanginaqtainik.
- Pualriharuirlugin aputit talvunga tunngavianun pauwaqarviit naparianginnun piliuruiqlutillu kingiktunik qaliriiktihimajunik apunmik haniani qulvaniittuni pauwaliqidjutini alrujani. Inuk akhaluutituqtuqluunniit kahakkumiuk pauwaqarvik alrujangit, aanniqtaaqpiaqtun tuqujaaqtulluunniit.
- Piqalutin qunngiaqtukhamik havaliraangat pauwatuqtumik akhaluutinik takuvikharlu apqutimi takulluarnaitpat. Una pitquidjutaujuq Nunavunmi havaktinun ataani nunapta Havangnikkut Aanniaqtailinikkut Aanniqtailinikkullu Maligakhani takunnaqtun qaritaujakkuurutikkut hamani: www.wscc.nu.ca.
QEC-kut qujagijumajain Nunavunmiut aularanginnaqtunik ikajurutingit aturnikkut qajangnaittumik havaktauhimaanginaqtun haniani pauwaliqidjutini napariani alrujangitlu.
###
Tuhaqtipkainikkut Uqarvigijaqhaq:
Bibi Bilodeau
Tuhaqtidjutinun Havakti
Qulliq Alruyaqtuqtunik Ikumadjutiit
(867) 979-7520
bbilodeau@qec.nu.ca