Qulliq Alruyaqtuqtunik Ikumadjutiit (QEC) itqumaquyut tapkuninga ihumagiyut talvuuna Pauwaqtuutikharnik Naunaitkutikhangit tutqikhaiyaangat QECkut niuviqtinanik atuqtauffaagiaqaqtunik alruyaqtuqhimaaqtunik hanaqidjutikhangit. Uuktuutikhangit iliugaihimayukhat katitigiyaangatlu atuqtauffaagiaqaqtunik alruyaqtuqtuutikhangit talvunga QECkungit hanaqidjutikhatigun ihivriuqtauyukharnik angirutikhaqaqtukhat talvanga kuapuraisikutigun.
Tamna Pauwaqtuutikharnik Naunaitkutikhangit Ilihairutikhaq naunaitkutiqaqtuq allatqiinik auladjutikharnik taima uuktuqtunik atuqtakhangit ukuninga. Uuktuqtun imailihimayukhat:
- Nunaqaqtukhaq akiliktuihimaanginaqtukharnik nunalaaniluuniit (atauhiuyukhaq haamilaatmi);
- Nanminiqaqtukhaungituq akiliktuihimaanginaqtunik; unalu
- Naunaiyaiyukhaq atuqtauffaagiaqaqtunik alruyaqtuutikharnik iliugaiyukharnik avatqungitkumi 10nik kilowattnik.
Ilihairutikhaq naunaitkutingit nalvaaqtaugiaqaqtunik uvani www.qec.nu.ca/customer-care/net-metering-program.
Pauwaqtuutikharnik havakhimaaqtunik pulatilimaitait uvani ataani QEC’s Pauwaqtuutikharnik Naunaitkutikhangit Ilihairutikharnik, kuapuraisingit nigiuqhimaniaqtun Nanminikharnik Pauwaqtuutikharnik Havakhimaaqtauyukhaq ilihairutikharnik talvani 2019mi. Hivutunirmik ilihairutikhangit naunaitkutit pigiaqaqtun uvani www.qec.nu.ca pigiaqaligumik.
###
Tuhaqtidjutikhanut Uqaqvikhaq:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca