Ilangit inuit ihumaliuyuitun upalungaiyaangat pauwaqarnaigaangat taima kingunginaaliqpaktun tulligaangamik. Mikhilaaqtittaaqtat hulaqutinia pauwaiqhimaniup taimaatut upalungaiyaqhimalutit hivuagut. Ilvit ilatillu upalungaiqhimayukhauyuhi pinikkut ilingnik pauwaiqhimanirmi naallugu 72-nik ikaarnirni. Ilauyuq upalungaiqhimanikkut pauwaiqhimanirmun piliurniq upinngaqtaunikkut hivunikhamik ilagiiknirnun piliurnikkullu upinngaqtaunikkut parnaqutikhanik.
Upinngaqtaunikkut Hivunikhaq
Upinngaqtaunikkut hivunikhaq ikayurniaqtaatit ilatillu ilihimaluhi huliyaaffingnik upinngaqtauniqaqqat. Katimalimaittungnarhiyuhi pauwaiqqat taimaatut aullaqtirluguhi uqautigilugit qanuqtut qanurittaaqtut huliyukhauluhilu aihimavikmi, iliharvikmi havakvikmiluunniit upinngaqtauniq piliqqat.
- Upalungaiqhimalutit, piliurlutit hivunikhamik ilitturipkaqtillugulu ilagiyarnun taimaita ilihimayaangata huliyakhamiknik.
- Upalungaiqhimalutit upinngaqtaunikkut parnaqutikhanik tutquqlugulu humi pihainnariaqtangni. Ihivriuqattaqlugu parnaqutikhat ilihimayaarni tamaita hunat nakuunginnaqtun.
- Titiraqlugit nunallaani upinngaqtaunikkut hivayautit imaakiaq qaptiriyiitkut, munarhitkut, upinngaqtaunikkut upaktitaipkaiyiit, unalu QEC-kut upinngaqtaunikkut hivayautaa 1-800-491-8127.
Titiraqlugit atuqlugulu hivunikhat tamaitalu ilagiyatit ukiuq tamaat. Tamaita pihimayukhat aajiliuqtauhimayumik tiguhainnaqtaalaqihimalugulu. Upinngaqtauhuiqlutit ilihimayaungittumin pauwaiqnirmin.
Upinngaqtaunikkut Parnaqutit
Upinngaqtaunirmi ihariaginiaqtutit hunanik imaatut naniruutimik, paatuliiqtuqtumik naalautimik, niqirhanik imarmiklu. Ihuarhaqtauhimayukhat nalvaaqtauhainnaqtaaqlutiklu. Nalvaaqtaaqqiuk naniruutit taarmii?
Upinngaqtaunikkut Parnaqutikhat
- Ayurnaittuq tigumiariami puukhaq – tamainnun upinngaqtaunikkut parnaqutikhat ihariagiyauyut
- Imaq – Pilutit malruuknik litres-nik imarmik atauhirmun inungmun taimaunnun upluq tamainnun (ilaliutilugit mikkait imaqaqtut tigumiaqtauttaaqtut)
- Niqit – Pilutit niqikhanik hukhaungihainnalimaittunik imaatut havigaliit niqit, nukigikhinnaqtut niqit, piinat pata paniumayullu niqit
- Alruyaqtungittuq havigalingnun angmaqtiruti
- Naniruutit paatuliillu ikummaitlluunniit ikkitiniklu
- Paatuliiqtuqtuq qipiuqtaqtuqtuqluunniit naalauti
- Avatquhimayunik paatuliinik
- Aanniqtuqaqqat mattutiqarvik
- Hivayautit alruyaliit iglumut kapputittaaqtut
- Himmautikhat uqquuyut aannuraakhat
- Ihariagiyauqpiaqtut hunat – havautit munarhinit, piipinnuat milukhaa ingilrutikhailluunniit inungnun ayurutiqaqtuni
- Maniinat- mikiyut maniit. Ukua $5 $10-lluuniit
- Upinngaqtaunikkut hivunikhaq piqaqtuq hivayautiit nampanik
- Kiiluuttat akhaluutingnut iglungnunlu
- Aalat pangnaiyautit tamayat hapkununga quyaginaq aaniaqtuliqidjutit munahidjutikhat ingilgutit
Aallattauq Upinngaqtaunikkut Parnaqutikhat
- Aallat aannuraakhait kamikhaillu tamainni iglumiutani
- Hinikvikhat qipiit alapaarnaittulluunniit qipikhat tamainnun iglumiutanun
- Kuummiuhaaruti
- Iqqakunun puut kiuvikhat
- Quiyaqtuutit – alranun halummarhitjuti, iquutit, inungmun halummaqtirutit
- Aanniqtailinikkut algaak
- Niritjutikhat
- Hanalrutikhat (kautauyauq, tiggutit, qipitirutit, kikiat, kauttuarmiutaq havik, aallaniklu)
- Aallaniklu malruuknik litres-nik imarmik tamainnun inungnun upluq tamaat – Igatjutikhat halummarhitjutikhallu
- Mikkaq urhuryuaqtuqtuq ingnirvik urhuryuaqlu – Aturuiqlutit hiuryukmik pahikhiitjutimikluunniit iglum iluani. Tuqunnaqtut, tipaittut puyurluit amigaiqtaaqtaaqtut aanniqtirlutit tuqupkailunilluunniit.
- Ulapqiuyakhat – kikkariktut ulapqiuyakhat, piannat, makpiraat ulapqiuyalluunniit