IQALUIT, Nunavut (Qiqaijalirvia 11, 2020) – Nutaamik Ikpiarjungmi pauwaqarvikhat havaakhaq angiqtaujuq taffumanga Nan'ngarijaujuq Jeannie Ehaloak, Minista Munarijalik Qulliq Alrujaqtuqtunik Ikumadjutiit (QEC). UUktuuttikhamik angijumut havaakhamun laisikhak tujuutauhimajuq tatqiqhiutaani Tarium Hikutilirvia 2019mi.
“Ihivriuramikku Qulliq Alrujaqtuqtunik Ikumadjutiit (QEC) uuktuutat imaalu qauhijaqatigiplugit Igluin Auladjutitigun Akitutilaanginnut Katimajiit, qujahuktunga angiqhugu himmautikanik havaakhamik tukhiutaat,” uqaqtuq Nan'ngarijaujuq Jeannie Ehaloak, Minista Munarijalik Qulliq Alrujaqtuqtunik Ikumadjutiit (QEC-kunun). “Ukpiruhuktunga Kuapuliisitkut hivuliqhuutaujut angijunik havaakhanik munarijakhamingnik maningnik akiliqtuijunit imaalu hivulliutilugit aktilangit kiinaujat.”
QEC-kut ihumajut nappaqtirilirniarunaqhijut nutaamik pauwaqarvikhamik hanajaulirluni ukiunginni 2020-mit 2023-mut imaalu uuktuqtut maniliqtuutikhamik Kanataup kavamatuqatkungita Ikpiarjup Auladjutikhanun Maniliqtuutikhamik ikajuutikhanik akikhanganun nappaqtirutihanun akiliqtuqtakhainun.
“Uuktuutigijavut ihumagiplugit tunihiluta qajanganittumik, ihuaqtumik, akiliruminaqtumiklu auladjutikhanik akiliqtuijunun taimaatun himmauhirlugit utuqqanguqtun igluqppaujun atuqtaukhaarjuaqhimajut,” uqaqtuq Bruno Pereira, QECkut Angijuqqangat imaalu Atan'ngjalluaq (CEO). “Imaatun aullaranginnaqtumik maniliqtuutikhanun ikajuutikhamik Kanadaup kavamatuqatkunginnit, uuktuqpangniaqtugut Nunavutim nunallanginni auladjutikhannik ihariahuutait namakpagianinni nunangita angiglivalianiannut.”
Naunaiqhittiarumaguvit uuktuutikhakkut, takulugu www.qec.nu.ca.
###
Tuhaqtitijunik Hivajainarialik:
Renee Boucher
Atan’ngujaukaffuktuq, Kuapuliisitkut Tuhaqtipkaijinni
Qulliq Alrujaqtuqtunik Ikumadjutiit
(867) 979-7524
rboucher@qec.nu.ca