AULLARIKHARLUGU HAVAARIJAQ UKIUQTAQTUMI!
Piliqlugu alianaqtuq qanuriliurutikhat Kanadaup Ukuiqtaqturningani! Ilauqatigilugin havakturniaqpiaqtun ajuittullu havagvingni havaktivun tuniutipluta qajangnaittunik, nakuujunik, akitungittuniklu pauwakhanik Nunavunmi.
HAVANGNIQ NUNAVUNMI
Nunavut Kanadaup nutaangutqijaat angitqijaalu nunaginiq piqaqtuqlu kajumitqijaujumik nauliqtumik piangiajarutikhanik Kanadami. Piqarhuni pinniaqtunik nunanik quvianaqtuniklu hulivikhanik uuktuqvikhanik, piniaqtutin quvianarnirnik havaarijainnarniingittumi, kihimilu havangnairaangat. Ihumaginiit qinmiqturnirmi, sikiituujaujarnirmi, qajaqtuqnirmi, aulattinirmi, ilittuharluguluunniit pitquhiq pilika aallangajunik hanaujanik huqullaarnirniklu quviagigupkin, Nunavut nunaghaujuq ilingnun.
QULLIQ ALRUJAKTUQTUNIK IKUMADJUTIIT
Qulliq Alrujaqtuqtunik Ikumadjutiit (QEC) havaaqaqtuq tuninikkut qajangnaittunik, nakuujunik pauwatuutikhanik tamainnun atuqpaktunun Nunavunmi. Nanminirijaujuq Nunavut Kavamanganin aulapkaqtitaujuqlu ilikkuuqtumik ukiuqtaqtumi kuapuriisiupluni, QEC avalittuq tuniuqtuq pauwaliqidjutinik nunagijaujunilu uunaqutikhaniklu Nunavunmi. Aajjikkuhiurutikkut aallanun pauwaliqidjutinun Kanadami, QEC pivaktuq aallangajunik ajurnarhidjutiuvaktunik aulapkaidjutingani 25nik ilikkuuqtukkut urhuqlukkut pauwaliuqvingnik aulapkaidjutiniklu tahamaniittun tamainni Nunavutip nunallaanginni.
Pauwaqautinun Alrujaliqiji (QEC-23-001)
Iqaluktuuttiaq, Nunavut
Unniudjutiqarhuni uumunga Avikturniani Tuniutinikkut Angajuqqaamun una Pauwaqautinun Alrujaliqiji munarijuq iliurarnikkut, munarinikkut ihuarhainikkullu qulvahiktuni nunam-ataaniittunilu pauwaqautinun alrujanik. Una havaaq munarijuqlu atadjutilirutainnik nutaani havagutinik, iliurarniq atullaktunik havagutinik, ilauluni pauwatuutikkut naunaijarutainnik, ihivriuqhinikkut munarinikkullu ingilrutinik, tamajanik, akhaluutiniklu atuqtauvakun havagutiuplutik alrujaliqinikkut havaami.
Havaktakhangit Munagiyakhangitlu:
• Ihivriuqtakhait, naunaijarlugin, ihuarharlugillu alrujat pidjutait, ilaujullu-pidjutait, hanalrutillu pipkanikkut angitqijanik havagutinik nakuunirnullu.
• Ihivriuqtakhait, naunaijarlugin, ihuarharlugillu amigarnarhijun alrujat pidjutait, ilaujullu-pidjutait, hanalrutillu himmiqtirlugillu pijukhaukpat.
• Aullaarniq ungahiktunun nunallaanun havagutigivaktait ihivriuqhiqattaqpaktun, hanaqiplutik ihuarhainikkut ihuarhaidjutikhanik, iliuraqnikkut tamajanik, ihuarhainikkullu pauwaliqidjutinik pidjutiniklu.
• Havaqatigilugin ukua Titiraujarnikkut havagvia ihivriurianginni titiraujarnia uvanilu hanalrutini maliktaujukhani pipkainikkut havaktakhat angummadjutijaami tamainnun maliktakhanun QECkunnilu maliqujainni atuqtakhani.
• Havaqatigilugin pidjutiqaqtunik hanadjutini havaktinilu pipkainikkut kinguvaqhimaittumik avatquhimaittumiklu-manikkut aturutaani inirutini akitujuni uvanilu Aulapkaidjutikkut Ihuaqhainikkullu havaktakhani.
• Munariplugit ihuaqhaidjutit titiqqat tutqikhaqhugillu Titiraujarvingmi, aulapkaijit, ihuaqhainikkut havaktit, aallanguqtiliqqata titiqat.
• Tunihijun talvani-najugaani ihuarhaidjutimik aallanguqtirutinikluunniit pipkaijaami pidjutinik aullaffaarutainnik qilamik pauwairutainni huli igattaqtailihimadjutiluni qajangnarhittaaqtunik hanalrutinun.
• Pihimaluni halumanikkut qajangnaittumiklu havakvikmi ubluq tamaat havakhunilu hivuagun-hulidjutikkut piliuriami qilamik pitquidjutikhanik ukununga aularaanginnaqtukhanun pimmarighautinun aulapkaidjutini hanalrutinullu.
• Havaqatigijait Tamajaqarviinni pipkaijaami ihuaqtun pauwaliqidjutit alrujat hunallu aquiqtuqtaujun hivuagun tikitinnagu ukiuq tamaaq umiaq.
• Pipkainikkut havaktakhat havaktaujun malikhugin tamaita havagvingmi atugakhat havagutillu; ukiuqtaqtumi; aviktuqhimanirmi, nunaptiknilu maligutait; malikhugillu tamaita aanniaqtailirnirmut; aanniqtailinirmut avatinullu maligakhat.
• Tuhaqtipkarlugin nunallaami ukiuqtaqtumilu kavamagijain unniutilugit pauwaliqidjutikkut nutqangidjutikhainnun pidjutilgit hulaqutiqpianun nunallaani, pijukhaukpat.
Pitqujauhimajun Ajuiqhimajakhat Ilaqaqtun:
• Nunagijami-avikturhimanirnin titiraqarniq imaatun Pauwaqautinun Alrujaliqiji.
• Class 3 Akhaluuhiqinikkut laisimik piqarluni anurhaakkut-tukiqtautinik pijaarutikkut pijaarnikkut angummadjutikkut akhaluutini nalliutini pitquidjutini QECnin.
Ikajuutaujun:
• Naliinni-avikturhimanirnin titiraqarniq imaatun Pauwaqautinun Alrujaliqiji.
• Ilihimaluni Nunavunmik, nunaanik, uqauhianik pitquhianiklu.
• Uqaqtaaqtuq Inuktitut, Inuinnaqtun Uiviitulluunniit.
Manimajugun nakuujumik aullaqtirutikkut akiliuhiakhamik imaatun $104,543.24min talvunga $122,116.48mun ukiuqtaqtumiittukkut ikajuutikhamik imaatun $20,891.00 atauhirmi ukiumi, angijumilu ikajuutikhanik ilaujullu naunaijaqhimajun ikajuutikut havaguirutikkullu manikhautinik uumunngalu ikajuutiqaqtumik havaktinun iglukhamik. Una havaakhaq ilaujuq talvani Nunavunmi Havaktiit Ikajurtinginni.
Uukturiami tujuqlugu uuktuutit qaritaujakkut-titiqqilugu uvunga careers@qec.nu.ca titiqqiqivikkulluunniit uvunga: Human Resources, Qulliq Energy Corporation, P.O. Box 420, Baker Lake, NU X0C 0A0
Uuktuqlugin qaangiqtinnagu Tallimiut, Fibjuali 17, 2023 - 11:59pmUuktuuti uumunga havaktikharhiurutimun ihumagijauttaaqtun hivunikhanik havaakhanun QECkunni. Qujagijavun tamaita uukkutuqtun; kihimi, taapkuanginnait pihimajun ihumaliurutikhanun uqaqatigijauniaqtun.