Aullagikharlugu Havaarijat Ukiuqtaqtumi!
Qulliq Alrujaqtuqtunik Ikumadjutiit (QEC) havaakhaqaqtut qajangnaitumik ihuaqtumiklu pauwamik akiliqtuijunun avaitiini Nunavut. QECkut avaliitut alrujaqtuutinik tunihijut aviktuqhimajumi aulapkaijullu 25nun availiitumik urhuqjuaqtuqtumik pauwamik auladjunmik igluqpangmik tunihiblutiklu auladjutinik avatiinun aviktuqhimajup.
Havangniq Nunavunmi
Nunavut Kanadap nutaangutqijaq uvalu angitqijaq aviktuqhimajuq qilamiklu inugiakhitiqtuqtuq maniliurutinun nunaqjuamin. Ilihimajaujuq piniqtumik nunaqaqtuq arlingnaqtuqlu hulilukaarnirmun pijakhanik.. Havaqatigiluta naunaijaqlugu angijuq ukiumi naunaqtuq sikiituukkut, qajaqturvigilugit ingilraat qajaqturviit, pihukvivilugu angijuq nuna huraariaktuq, atuqlugulu iliturilugillu pituhiit ilihimajaujut aalangajut titiraujaqhimajut, atuqtuujautit, niqillu. Ilauqatigiluta anginirhakkut havagaanginaqtut atuqhimajullu havagvikjuanin ajuittiaqhimajut tunihibluta qajangnaitumik ihuaqtumiklu pauwatuutinik avatiini Nunavut.
Pauwaqautinun Alrujaliqiji (QEC-25-014)
Iqaluktuuttiaq, Nunavut
Unniudjutiqarhuni uumunga Avikturniani Tuniutinikkut Angajuqqaamun, una Pauwaqautinun Alrujaliqiji munarijuq iliurarnikkut, munarinikkut, ihuarhainikkullu qulvahiktuni nunam-ataaniittunilu pauwaqautinun alrujanik. Una havaakhaq havaaqaqtuq atapkaliqlugit nutaat kivgaqtuutit, iliuraqlugillu tadjakaffuk kivgaqtuutit, ihivriuqlugillu ihuaqhaqlugillu ikajuutit, tamajat, akhaluutillu atuqtaujut havagiangini alrujaqtuutinun havaakhat.
Havaktakhait Havaarijaillu:
- Ihivriuqlugit, ajuqhautaujut, ihuaqhaqlugillu alrujat auladjutait, ilangit auladjutait, tamajallu pihimajaangini anginirhakkut ihuaqriangini qanuriniillu.
- Ihivriuqlugit, ajuqhautaujut, ihuaqhaqhugillu tilamiunirmun alrujat auladjutait, ilangit auladjutait, himmauhiqlugillu pijariaqaqqata.
- Tingmiqataaqluni ungahiktunun nunallaanun havagiangini ihivriurutit, havaklugit ihuiqtailinirmun ihuaqhaidjutit, iliuraqlugit tamajat, havaklugillu ihuaqhagahat alrujat auladjutillu.
- Pihimalugit ihuaqhainirmun titiqqat ukualu tutqikhalugit aulapkaijunun, pihimalugit havaktit, ihuaqhailiraangat titiqqanik.
- Pihimalugit tamaita tamajat atuqtaujut napaqtitirnirmun ihuaqhainirmunlu titiraqtaulutik uniudjutaulutiklu haffumunga Alrujaliqinirmun Atangujamun.
- Tunihiluni havakviujumi ihuaqhaidjutikhanik ihuaqhainirmiklu auladjutit ihuaqhijaangini qilamik pauwaihimatilugu mikhijuumirahuaqhugu qajangnautit tamajanun.
- Pihimainaqluni halumanirmun qajangnaitumik havagviup avatiit maligallu pihimatiarnirmun pihimalugit qilamik pitquidjutikhat aulahimaatumik ihuaqhaihimaaqnirmik auladjutinun tamajanunlu.
- Pihimalugit havaakhat havaktaujut malikhugit tamaita kuapaliisit maliruagahait havauhiillu, aviktuqhimajumi, aviktungniini, kanadamilu maligahat, maliklugillu tamaita aanniaqtailinirmun, qajangnautinun, avatingnunlu maligahat.
Pitqujauhimajut Ajuiqhimajakhat Ilaqaqtut:
- Nunami-aviktungniini naunaitkutaq imaa Pauwatuutinun Alrujaliqiji.
- Nutaangujumun aturiami Class 3 akhaluuhiqinikkut laisimik piqarluni anurhaakkut-tukiqtautinik pijaarutikkut pijaarnikkut angummadjutikkut akhaluutini nalliutini pitquidjutini QECnin.
Ikajuutaujun:
- Una Hanataarnikkut Ilitaridjuti Kajuut (Red Seal) titiraqarniq ikajuutaujuq
- Ilihimalugu Nunavut, nunaa, uqauhia, pitquhialu ikajuutauniaqtuq.
- Uqaqtaaqluni Inuktitut, Inuinnaqtun uvalu/uvaluuniin uivitut ikajuutauniaqtuq.
Tunihijugut akitaqutautikkut akiliuhiakhanik imaa $ 121,763.20 hamunga $142,251.20 unalu ukiuqtaqtumik Ikajuutinun manik imaa $20,891.00 ukiuq tamaat. Tunihijugullu tamatkiumajunik ikajuutinik, ilaujut naunaijaqhimajuq-ikajuut havagaaqpangnirmun haaguinirmun pinahuarutinik. Ilaliutihimajut, ikajuutiqaqtut iglukhamik piinarialik haffumunga havaakhamun. Una havaakhaq ilaujuq hapkunani Nunavunmi Havaktinun Ikajuqtit.
Hivuliuniaqtut Nunavunmi Inuinnait.
Uuktugianganik, tujuqlugu uuktuutit qaritaujakkut titirarviatigun uumunga: https://qeccareers.prevueaps.ca/jobs/
Angmaumaniaqtun havaktikharnik nanihigumik.
Uuktuutit haffumunga akitaqutaunmun ihumagijauniaqtut hivungani havaakhanun pijakhanun QECkunun.
Qujagijaqqut tamaita uuktuqtut inmi piumanirmun, kihimi, tapkuanginait tikuaqtauniaqtut ihumagijaujut hivajaqtauniaqtut.