Aullagikharlugu Havaarijat Ukiuqtaqtumi!
Qulliq Alrujaqtuqtunik Ikumadjutiit (QEC) havaaghaqaqtut qajangnaitumik ihuaqtumiklu pauwamik akiliqtuijunun avaitiini Nunavut. QECkut avaliitut alrujaqtuutinik tunihijut aviktuqhimajumi aulapkaijullu 25nun availiitumik urhuqjuaqtuqtumik pauwamik auladjunmik igluqpangmik tunihiblutiklu auladjutinik avatiinun aviktuqhimajup.
Havangniq Nunavunmi
Nunavut Kanadap nutaangutqijaq uvalu angitqijaq aviktuqhimajuq qilamiklu inugiaghitiqtuqtuq maniliurutinun nunaqjuamin. Ilihimajaujuq piniqtumik nunaqaqtuq arlingnaqtuqlu hulilukaarnirmun pijaghanik.. Havaqatigiluta naunaijaqlugu angijuq ukiumi naunaqtuq sikiituukkut, qajaqturvigilugit ingilraat qajaqturviit, pihukvivilugu angijuq nuna huraariaktuq, atuqlugulu iliturilugillu pituhiit ilihimajaujut aalangajut titiraujaqhimajut, atuqtuujautit, niqillu. Ilauqatigiluta anginirhakkut havagaanginaqtut atuqhimajullu havagvikjuanin ajuittiaqhimajut tunihibluta qajangnaitumik ihuaqtumiklu pauwatuutinik avatiini Nunavut.
Pauwatuutinun Alrujaliqiji (QEC-23-001), Nuititauffaaqtuq
Iqaluktuuttiaq, Nunavut
Uniqtuqluni haffumunga Ihuaqhainirmun Atangujamun, una Pauwatuutinun Alrujaliqiji havaaqaqtuq iliurainirmun, ihuaqhainirmun, ihuaqhaqhugillu qulaani ataanilu nunap alrujanik. Una havaaghaq havaaqaqtuq atapkaliqlugit nutaat kivgaqtuutit, iliuraqlugillu tadjakaffuk kivgaqtuutit, ihivriuqlugillu ihuaqhaqlugillu ikajuutit, tamajat, aghaluutillu atuqtaujut havagiangini alrujaqtuutinun havaaghat.
Havaktaghait Havaarijaillu:
- Ihivriuqlugit, ajuqhautaujut, ihuaqhaqlugillu alrujat auladjutait, ilangit auladjutait, tamajallu pihimajaangini anginirhakkut ihuaqriangini qanuriniillu.
- Ihivriuqlugit, ajuqhautaujut, ihuaqhaqhugillu tilamiunirmun alrujat auladjutait, ilangit auladjutait, himmauhiqlugillu pijariaqaqqata.
- Tingmiqataaqluni ungahiktunun nunallaanun havagiangini ihivriurutit, havaklugit ihuiqtailinirmun ihuaqhaidjutit, iliuraqlugit tamajat, havaklugillu ihuaqhagahat alrujat auladjutillu.
- Pihimalugit ihuaqhainirmun titiqqat ukualu tutqighalugit aulapkaijunun, pihimalugit havaktit, ihuaqhailiraangat titiqqanik.
- Pihimalugit tamaita tamajat atuqtaujut napaqtitirnirmun ihuaqhainirmunlu titiraqtaulutik uniudjutaulutiklu haffumunga Alrujaliqinirmun Atangujamun.
- Tunihiluni havakviujumi ihuaqhaidjutighanik ihuaqhainirmiklu auladjutit ihuaqhijaangini qilamik pauwaihimatilugu mighijuumirahuaqhugu qajangnautit tamajanun.
- Pihimainaqluni halumanirmun qajangnaitumik havagviup avatiit maligallu pihimatiarnirmun pihimalugit qilamik pitquidjutighat aulahimaatumik ihuaqhaihimaaqnirmik auladjutinun tamajanunlu.
- Pihimalugit havaaghat havaktaujut malikhugit tamaita kuapaliisit maliruagahait havauhiillu, aviktuqhimajumi, aviktungniini, kanadamilu maligahat, maliklugillu tamaita aanniaqtailinirmun, qajangnautinun, avatingnunlu maligahat.
Pitqujauhimajut Ajuiqhimajaghat Ilaqaqtut:
- Nunami-aviktungniini naunaitkutaq imaa Pauwatuutinun Alrujaliqiji.
- Class 3 Akhaluuhiqinikkut laisimik piqarluni puplaktuqtunik-tukiqtautiqaqtut naunaitkutaanik, pijaaqlunilu aghaluutit qulangnaijautait pijaghat QECkunun.
Ikajuutaujun:
- Una Hanataarnikkut Ilitaridjuti Kajuut (Red Seal) titiraqarniq ikajuutaujuq
- Ilihimalugu Nunavut, nunaa, uqauhia, pitquhialu ikajuutauniaqtuq
- Uqaqtaaqluni Inuktitut, Inuinnaqtun uvalu/uvaluuniin uivitut ikajuutauniaqtuq.
Tunihijugut akitaqutautikkut akiliuhiaghanik imaa $ 104 543,24 hamunga $122 116,48 unalu ukiuqtaqtumik Ikajuutinun manik imaa $20,891.00 ukiuq tamaat. Tunihijugullu tamatkiumajunik ikajuutinik, ilaujut naunaijaqhimajuq-ikajuut havagaaqpangnirmun haaguinirmun pinahuarutinik. Ilaliutihimajut, ikajuutiqaqtut iglughamik piinarialik haffumunga havaaghamun. Una havaaghaq ilaujuq hapkunani Nunavunmi Havaktinun Ikajuqtit.
Hivuliuniaqtut Nunavunmi Inuinnait.
Uukturiarni, tujuqlugit uuktuutitit hamunga: careers@qec.nu.ca.
Uukturlutin qaangiqtinnagu Tallimiut, Qitiqqautijuq 21, 2023 - 11:59pm. Uujktuutit haffumunga akitaqutaunmun ihumagijauniaqtut hivungani havaaghanun pijaghanun QECkunun.
Qujagijaqqut tamaita uuktuqtut inmi piumanirmun, kihimi, tapkuanginait tikuaqtauniaqtut ihumagijaujut hivajaqtauniaqtut.