Aullarikhaqlugu havaarijat Ukiuqtaqtumi!
Piliqlugu alianaqtuq qanuriliurutikhat Kanadaup Ukuiqtaqturningani! Ilauqatigilugin havakturniaqpiaqtun ajuittullu havagvingni havaktivun tuniutipluta qajangnaittunik, nakuujunik, akitungittuniklu pauwakhanik Nunavunmi.
Havangniq Nunavunmi
Nunavut Kanadaup nutaangutqijaat angitqijaalu nunaginiq piqaqtuqlu kajumitqijaujumik nauliqtumik piangiajarutikhanik Kanadami. Piqarhuni pinniaqtunik nunanik quvianaqtuniklu hulivikhanik uuktuqvikhanik, piniaqtutin quvianarnirnik havaarijainnarniingittumi, kihimilu havangnairaangat. Ihumaginiit qinmiqturnirmi, sikiituujaujarnirmi, qajaqtuqnirmi, aulattinirmi, ilittuharluguluunniit pitquhiq pilika aallangajunik hanaujanik huqullaarnirniklu quviagigupkin, Nunavut nunaghaujuq ilingnun.
Qulliq Alruyaktuqtunik Ikumatjutiit
Qulliq Alruyaktuqtunik Ikumatjutiit (QEC) havaariyakhaqaqtut pidjutipkaivlutik qayangnaittunik, ihuaqtumik tamainun auladjutikhanut inungnut Nunavunmi. Nanminirijaujuq Nunavut Kavamanganin aulapkaqtitaujuqlu ilikkuuqtumik ukiuqtaqtumi kuapuriisiupluni, QEC avalittuq pauwaliqidjutinik nunagijaujunilu uunaqutikhaniklu Nunavunmi. Aajjikkuhiurutikkut aallanun pauwaliqidjutinun Kanadami, QEC pivaktuq aallangajunik ajurnarhidjutiuvaktunik aulapkaidjutingani 25nik ilikkuuqtukkut urhuqlukkut pauwaliuqvingnik aulapkaidjutiniklu tahamaniittun tamainni Nunavutip nunallaanginni.
QEC-24-009 Pauwaliqivingmi Atanngujaq
(Una havaakhaqhiuruti kikliqaqtuq Nunavunmi Inuinnainnarnun Kugaarukmi)
Talvaniittuq Kugaaruk, Nunavunmi, una Pauwaliqivingmi Atanngujaq munaridjutiqaqtuq aulapkaidjutainnik qajangnaittumik aularaanginnaqtuniklu pauwaliqidjutinik aulapkaidjutainniklu, ukunanilu ihuarnainikkut pijukhanik tamainnik ingniqutiqaqtuni alrujaqtuqtunilu hanalrutini. Una havaaq munariniqaqtuqlu aulapkaidjutainnik munaridjutainniklu urhurluktuqtumi pauwaliqivikmi pidjutainnilu tunijaami qajangnaittumik, nakuujumik pauwaliqidjutinik QEC-kut akiliqtuivaktunun nunallaami taimaatun akituvallaangittukkut.
Havaakhait Munarijakhaillu:
- Havaktiujuq hivulliqpaangupluni uqaqatigivikhaq akiliqtuivaktunun: ilaujullu pinikkut akiliqtuivaktunik aquiqturutainnik nutaanik pauwatuutikhanik, kipliunirnik aallanguqtirnirniklu piqaliqtunik, kiuluni akiliqtuivaktunun ihuigijainnun apirhuutainnullu, piluni akiliqtuutinik, aullaqtiqlunilu maniktarutikhanik atukkanun havagutikhanik Kuapuriisitkunnun taimaatun aulapkaipluni nakuujunik havaqatigiigutinik nunallaami ukunanilu nunallaami havagviujuni havaktinun.
- Aulapkaqtitaa pauwaliqivik pipkainikkut nakuujunik aturnirnik tamainni hanalrutinik.
- Ikajuqpaktuq ihivriuqtaudjutini, mikijuni ihuaqhainirnik, mikijuni ahirungittaanginnik ihuarhaidjutinik naunaijarnirniklu alrujaqni pauwaniklu aturutinik naunaitkutini hanalrutinik.
- Tukhiqluni ihuarhainikkut ukuninngalu/ukuninngaluunniit himmautikhanik amirarnarnikkulluunniit ihuarhaidjutikhanik pijukhauliqqat.
- Katitiqlugin unniutilugillu pauwatuqnikkut naunaitkutainni, tunilunilu pidjutaudjutainnik titiqqanik talvunga nunalingni maniliqinikkut havagvingmun.
- Tunivakluni ilitturipkaidjutikhanik uumunga Pauwaliqinikkut Atanngujamun upalungaijaqtakhainnun tunilunilu manikkut aturutkhanik, aallanguutainnik aallaniklu havagnikkut qanuriliurutinik.
- Munarilugin pauwaliqivingmi tamajait ilaujullu aullaqtidjutinik, pilirutinik amiridjutiniklu.
- Havagiaqtukhaq havagiaqtuqujaugaangami havaami hvagiami pauwaliqivikmi ihivriurutaani pijukhaukpat (unnugaanga havangnaitillugulu) pipkaijaami piqangittuq ihuiqtaaqtunik taapkuat tadjainnaq havagutigiliqtaujukhanik.
Pitqujauhimajun Ajuiqhimajakhat Ilaqaqtun:
- Angayukhiit iliharvianin naunaitkutmik.
- Ajuiqhimajuq pauwaliurutini aulavikhaanullu pauwatuutini.
- Atuqtumik Class 5mik akhaluuhiqinikkut laisighamik naammagijaujumiklu akhaluuhiqidjutikkut naunaitkutimik.
Ikajuutaujun:
- Qaujihimaniq Nunavunmik, nunamik, uqauhianik pitquhianiklu.
- Uqaqtaaqniq Inuktitut, Inuinnaqtun imaalu/imaaluunniit Uiuitun.
Aajjikiigutin tapkuat atauttiujun iliharhimaningani, havakpakhimaningani, qaujihimaningani, ajuiqhimaningani havaktaaqninganilu ihumagijauttaaqtun.
Manimajugun nakuujumik aullaqtirutikkut akiliuhiakhamik imaatun $108,724.97min talvunga 127,001.13mun ukiuqtaqtumiittukkut ikajuutikhamik imaatun $27,465.00 atauhirmi ukiumi, pijaanikkut havagiami-havangnaitillugu, angijumilu ikajuutikhanik ilaullu naunaijaqhimajun ikajuutikut havaguirutikkullu manikhautinik. Una havaakhaq ilaujuq talvani Nunavunmi Havaktiit Ikajurtinginni.
Uukturiami qaritaukkut titiqqilutin uumunga: https://qeccareers.prevueaps.ca/jobs/
Uuktuqlutin titiraqlutin, qaangiqtinnagu March 1, 2024.
Uuktuqtun uumunga havaakhamun ihumagijauttaarungnarhijun hivunikhani havaakhatigun uuktuqvighanik QEC-kunni.