Aullagiikharlugu havaariumayainik Ukiuqtaqtumi!
Pilirlugu alianaqtuq qanuriliurutikhat Kanadaup Ukuiqtaqturningani! Ilauqatigilugin havakturnirpiaqtun ayuittullu havagvingni havaktivun tuniutipluta qayangnaittunik, nakuuyunik, akitungittuniklu pauwakhanik Nunavunmi.
Havakhimaarniq Nunavunmi
Nunavutim Kanataup nuutaatqiya angiyurlu nunagiyaingit kayumiktuqaqtuq nauliqtumik piutikharnik nanminikharnik nunaqyuaptingni. Piqarhuni pinniaqtunik nunanik quvianaqtuniklu hulivikhanik uuktuqvikhanik, piniaqtutin quvianarnirnik havaariumayamingni, kihimi havangnairaangatlu. Ihumagiyangnik qingmiruyaqturnikkut, sikiituyarnikkut, qayaqturnikkut, hikumi aulatitiyunik, qiniqhimaaqtuniklu pitquhiqaqtuniklu piqaqtun avaliqangitunik hunaliuqhimayut huqullaarnirniklu atuqhutik quviahuutikharnik, Nunavut nayurvikhagiyan.
Qulliq Alruyaktuqtunik Ikumadjutiit
Qulliq Alruyaqtuqtunik Ikumadjutiit (QEC) havaaqaqtuq tuniyaangat qayangnaittunik, nakuuyunik pauwatuutikharnik tamainnun atuqtunun Nunavunmi. Nanminiriyauyuq Nunavut Kavamanganin aulapkaqtitauyurlu ilikkuuqtumik ukiuqtaqtumi kuapuriisiupluni, QEC avalittuq tunilluaqtiuyuq pauwaliqidjutinik nunalaanginunlu uunaqtukharnik tunihimaaqtun Nunavunmi. Aadjikuhiurutikkut aallanun pauwaliqidjutingnik Kanadami, QEC pivaktuq aallangayunik ayuqhautiqaqpakhimayut aulatitiyaangat 25nik avaliqaqtun uqhuqyuaqtuqtunik pauwaqarviit igluqpagiyauyut tuniqhaiyaangat qanuriliurutikharnik nayugaqaqtunik tamangni nunaptingni nunalaangitni.
Alruyaliqiyunik Ayuittiagiikhimayuq (Havakaffuktun) - Iqaluktuutiaq
Nayugaqarniaqtuq Iqaluktuutiaq, Nunavut ilituqhaiyukhaq Aviktuqhimajuni Pauwaliqidjutaani Atan'nguyaq Alruyaqliqiyi Ayuittiagiikhimayuq munagihimayukhaq iliugaidjutikharnik, munagiyukharnik ihuaqhaiyukharnik qullaniitun nunamilu iliugaqtauhimayunik alruyangit alruyaryuangitlu. Tamna havaaqhaq munagihimaarniaqtuq katitirutikharnik nuutaanik alruyaqtuqtukharnik, iliugailutiklu atuqtaukaffuktauyukharnik alruyarnik, ilaulunilu miitaani taiguqtauyukharnik ihivriunikkut munagiyaangatlu hanalrutingnik, ingilrutikhangit, unalu akhaluutinik atuqtauyukhat havagiangani alruyaliqinikkut havaktauyukharnik.
Havaktakhangit Munagiyakhangitlu:
- Ihivriuqtukhaq, ihuaqhaiyukharlu ikilimaitunik, ihuaqhaiyukhaq alruyarnik pauwarviit, alruyaliqivingit, hanalrutikharnik naunaiyaiyukhaq anginirmik auladjutikharnik ihuaqtumiklu atuqtauyukharnik.
- Ihivriuqtukhaq, ihuaqhaiyukharlu amigaqhuutiqaqtunik alruyarnik pauwarviit, alruyaliqivingitlu himautilugitlu kituliqaak himiqtauyukhangit.
- Tingmiqattaqtukhaq nunalaanun kituliqaarnun ihuaqhaiyaangat ihivriudjutikharnik, aulatitilunilu ihuaqhaqtuyukharnik, iliugailunilu hanalrutikharnik, aulatitilunilu naunaitunik ihuaqhaidjutikharnik alruyarnik alruyaqliqidjutikhangitlu.
- Havaqatigiiklugit Hanayauliqiyunik havagviit ihivriugianganik hanayauhimayut ingilrutikhangitlu naunairutikharnik naunaiyaiyaangat havaaqhangit aulahimayut malikhautikharnik QECkutlu atuqhimaaqtangit havaaqhangit.
- Havaqatigiiktakhangit aulahimayunik hanayauyukharnik havaktiingitlu nauaiyaiyukhat aulayukharnik qilaminuaq maniit atuqtauyukharnik iniqtiqtauyukharnik maniituq akituyut Auladjutikharnik Ihuaqhaidjutikharniklu havaaqharnik.
- Ihuaqhaihimaaqtukhaq ihuaqhaqtauhimayunik iniqtiqhimayut titiqat tutqikhaiyukharlu Hanayuliqiyiit, auladjutikharnik ihuaqhailiqiyunik havaktiit, nuutaanguqtiqhimaagumik iniqtiqhimayunik titiqanik.
- Tunihimaaqtun talvani nayugaani ihuaqhaidjutikharnik hanayauyukharnik ihuaqhdijutikharnik iliugaqtauffaagianganik qaritauyaliqidjutikhangit qilaminuaq taima qamitkaluaqtilunik aulatitihimaaqtilunik ayungnautikhangit hanalrutikhangit.
- Munagihimaarniq halumayunik qayangnairutikharnik havakvingmi ubluq tamaat havadjiktumiklu itukhauyuq ikaaknikhangit aturlutik havaktauyukharnik aulahimaaqlutiklu ihuaqhaidjutikharnik auladjutingnik ingilrutikhangitlu.
- Tutqikhaiyukhaq Niuvaiviingit naunaiyaiyukhat ihuaqtumik alruyaliqidjutikhangit tamayaqarviit hanalrutikhangitlu aquiqtuqtauhimayut hivunikkut ukiuk tamaat umiakkut tuyuqtauyaanganik.
- Naunaiyaiyukhat havaaqhangit aulahimayukhat malikhautikhatigun tamaita havagvingit atugakhangit malikhautikhangitlu; avikturvingiitun, avikhimayunik nunat, nunaqyuaptingniklu naunaitkutiti; aulahimayukhatlu tamainun inuuhirittiarutikharnik, qayangnairutikharnik avatiliqinikkutlu malikhautitigun.
- Tuhaqtitihimaarniq nualaani aviktuqhimayuniklu kavamangit uqaudjiukharnik talvuuna alruyaqtuqtunik qamiqataqtauniaqtunik aulaniarmanik ayungnautikharnik nunalaani, atuqtakharnik.
Pitquyauhimayut Ayuiqhimayakhat Ilaqaqtut:
- Nunami-avikhimayuni ilitagidjutikhangit ilaginiaqtait Pauwaqarvikhanik Alruyaliqiyi.
- Class 3 akhalutitutit Laisit piqakhuni akhaluutiryuat angirutikhaqnik, uvalu pigiamilu akhaluutini nalliutikhakkut pitquyauhimayut QEC-kuni;
Piutigiyaingit:
- Nunami-avikhimayuni ilitagidjutikhangit ilaginiaqtait Pauwaqarvikhanik Alruyaliqiyi.
- Qauyihimayukhaq Nunavunmik, nunagiyainik, uqauhianik pitquhianiklu.
- Uqagiaqaqtuq Inuktitut, Inuinnaqtun unalu/uuminngaluuniit Uiviititut.
Akiliktauniaqtuq akikharmik $99,486-taalamit taimaa $116,209-taalamut, ukiuqtaqtumi nunaqariamikni ikayuutinik $19,122-taalamik, ikayuutikharnik akikharniklu ilauniaqtuq naunaiyagiikhimayuq pidjutikharnik manikhaaqhautikharnik akilkhautikharnik ikayuutiqarniaqtuq igluqaqtunik. Una havaakhaq ilaujuq talvani Nunavunmi Havaktiit Ikajurtinginni.
Uuktugianganik tuyurlugit uuktuutikhat qaritauyakkut titirarvianun umunga hr@qec.nu.ca titirarviliqikkutluuniit uumunga: Havaktuliqiyitkut, Qulliq Alruyaqtuqtunik Ikumadjutiit, Titiqiqivikkut. Quiqutaa 420, Qamanittuaq, NU X0C 0A0
Uuktuqlutit titiraqhimayukkut, tikitinnagu Tissaipa 3, 2021.
Uuktuqtun uumunga havaakhamun ihumagiyauniaqtun hivunikhani havaakhatigun uuktuqvikhanun QEC-kunni.
Quyagiyavun tamaita uuktuqtun ihumagiyut talvuuna; kihimi, taapkuanginnait pukuktauhimayut ihumagiyauluaqtun uqarvigiyauniaqtun.