Qulliq Alruyaqtuqtunik Ikumadjutiit (QEC) iitqaumaqujait Nunavunmiut qajagitquplugin hanianiitkumik pauwaqarviit naparianginni alrujainnilu, taimaalluarlu akhaluutiturumik (ilaujullu haantait sikiitullu). Itqaumaluhi hapkuninnga pingittaami piniarhimangittunik pauwairutinik, aanniaqpiarutinik, tuqudjutinikluunniit:
· Itqaumalutin mikinikhaanun ungahikniqarlutin pingahunik miitanik pauwaliqinikkut alrujanin.
· Ingilrutit ikajuutaujut pauwaqarviit napariat taima nuhukkautait majurutit hauhimajungnarhijun apunmin. Qajangnaittumik akhaluutiturlutin ungahiktukkut tunngaviinnin pawaqarviit naparianin. Ilitturipkarumaplugin akhaluutituqtun, QEC-kut iliuraqhimajun qaumajunik puukhainnik nuhukkautainni akhaluutiturvigijaulluaqpaktuni.
· Pualriharuirlugin aputin talvunga tunngavianun pauwaqarviit naparianginnun piliuruiqlutillu kingiktunik qaliriiktihimajunik apunmik haniani qulvaniittuni pauwaliqidjutini alrujani. Inuk akhaluutituqtuqluunniit kahakkumiuk pauwaqarvik alrujaq, aanniaqtaaqpiaqtun tuqujaaqtulluunniit.
· Piqalutin qunngiaqtukhamik havaliraangat pauwatuqtumik akhaluutinik takuvikharlu apqutimi takulluarnaitpat. Una pitquidjutaujuq Nunavunmi havaktinun ataani nunapta Havangnikkut Aanniaqtailinikkut Aanniqtailinikkullu Maligakhani takunnaqtun qaritaujakkuurutikkut hamani: www.wscc.nu.ca.
Unniutinikkut pauwakkut pidjutiqaqtumik amigarnarhijumik, hivjadjavan QEC-kut 24nik-ikaarnirni amigarnarhijuni nampaa uvani
1-867-222-3807.
QEC-kut qujagijumajain Nunavunmiut aularaanginnaqtunik ikajurutinginnik aturnikkut qajangnaittunik havagutinik haniani pauwaliqidjutini napariani alrujanilu.
###
Tuhaqtipkainikkut Uqarvigijakhat:
Renee Boucher
Atanngujaullaktuq, Kuapuriisitkunni Tuhagakhanut
Qulliq Alrujaqtuqtunik Ikumadjutiit
(867) 979-7524