Qulliq Alrujaqtuqtunik Ikumadjutiit (QEC) uqautijumajait Nunavunmiut qajagitquplugit tingmipkaigumik titqujanik ahiniillutik pauwaqarvingnit alrujanit.
Piqaqhimajuq amnihuvjanik unniqtauhimajunik ulapqiujanik titqaujanik ilaghimajunik pauwatuutinin alrujanin aviktuqhimavingmi. Titqaujanin aghunaangit pittaaqtut alrujaqtuutimik pidjutauttaaqtullu aannirpiarlutik tuqulutikluuniin.
Qajagijaami qajangnautinin, puiguktailugu:
- Tingmipkaihuirlutik titqaujamik haniani qulaani pauwatuutinun alrujainin. Piguvin taimaa titqaujarnik ilakpan pauwatuutinun alrujainun, qilamik taiklugu tigumijan titqaujarmin aghunaanga tigumiarutaalu ahinungauhaklutin titqaujamin. Uukturuirlutit piingnahurillugu unniutilutillu pidjutimun talvunga QEC-kut 24-ni ikaarnini qilamiurutinun nampaanun talvunga 1-833-313-3030.
- Anurip ahinungaqtitpagu titqaujarijat hanianun pauwatuutinun alrujainun pauwaqarvingmulluuniin iglukpamun, taiklugu tigumijan. Maliktailugit titqaujat qajangnaqtunun avatiinun.
- Nakuutqijaq tingmipkaijaami titqaujanik talvani angmaumajumi najugaani ahinin pauwatuutinun alrujainin, apqutinin, tingmitit milviinillu.
- Aturuirlugin tingmipkaijakhat titqaujan ilaqaqtunik havigalingnik alrujaniklu.
- Tingmipkaihuirlutin titqaujarnik hilarlukpan. Qallugaangat maqaktittun hunamiklikaak amigailiqtun ukiuqtaqtumi unalu tingmipkainiq titqaujamik hilarlukpan qajangnaktuq quaqhalaarnakhavin.
QEC-kut qujagijumajait Nunavunmiun ikajurmata.
###
Tuhaqtipkainikkut Uqarvigijakhaq:
Renee Boucher
Atanngujaullaktuq, Kuapuriisitkunni Tuhaqtipkaijini
Qulliq Alrujaqtuqtunik Ikumadjutiit
rboucher@qec.nu.ca
(867) 979-7524