Qulliq Alruyaqtuqtunik Ikumadjutiit (QEC) tuhaqtitijumajut Nunanvummiut tamna Akiliqtuijunut Munaqhidjutikhat aanniarutautitlugu tamna COVID-19 Qalagjuarniq kiudjutikhanik.
QEC-kut tunihijut akiliqtuidjutikhanik atuqtaujukhamik igluqaqtunut havagviujunillu akiliqtuijunut akiliqhilimaittunut tamatkiglugu tatqiqhiunmi pauwatuutiminnik akiliqtakhainnik. Kinguvaqtihimajumik akiliqhitikhainnut akiliqtakhainnik unngavaktauniaqtut akiliqtuijunut ataani uumani atuqtakhami. QEC -kut tunihijumajut atukaffuktukhanik ihuaqhautikhainnik inuup qanurinninga naunaijautigilugu kiinaujaliqinikkut ikajuutikhainnik akiliqtuijunut. Kuapuliisitkut ilitaqhihimajut ajuqhautaujumik amihunut Nunavummiut akhuuqtut tunihilutik ikajuutikhainnik akiliqtuijunut pijuminaqqata.
QEC-kut un'ngavaktiqtait tamaita pauwatuutainnut aturnikhanut naunaitkunmik. Kuapuliisitkut kipluijunaittut pauwatuutainnik imaalu iliuraijunaittut pauwatuutainnut aturnikhanut naunaitkunmik tuhaqtitigumik kihiani qakugu. Ukuat uuktuutikhangit ihuaqhaqtauhimajut akiliqtuijut ajuqhaqungittugit aanniarutautitlugu hamna COVID-19 Qalagjuarniq.
Ajuqharuvit akiliqhijakharnik tatqiqhiunmi pauwatuutingnik akiliqtakhamik,hivajarlugit kuapuliisitkut Akiliqtuijunut Munaqhijiata havagvianut hivajarlugu tamna 1-866-710-4200 qaritaujakkut titirarvigilugu CustomerCare@qec.nu.ca ihuaqhailutit akiliqhitikharnk angirunmik. Naunaiqhittiarumaguvit qanuqtut akiliqhitikharnik pauwatuutingnik akiliqtakharnik, takulugu www.qec.nu.ca.
QEC-kut qujagijait akiliqtuijut utaqqivangmata kangiqhidjutanniklu tadja atuqtaujukkut.
###
Tuhaqtidjutikhanut Uqarvikhaq:
Renee Boucher
Himmautaullaktuq Ataniq, Kuapuliisikkut Tuhaqtipkaijinni
Qulliq Auladjutikhanut Kuapurainga
(867) 979-7524
rboucher@qec.nu.ca