IQALUIT, Nunavut (Apitilirvia 10, 2021) – Qulliq Alrujaqtuqtunik Ikumadjutiit (QEC) aittuutigijaat una 2021 Laura Ulluriaq Gauthier Ilihaqtumut Maningnik Ikajuutikhaq uumunga Zan Tao Iqalungnin. Ms. Tao iliharjuumiliqtuq ilihautimik uuminga Bachelor Nalunaqtuliqinikkut uuminga Munaqhiliqinirmun Ilihainirmun ilihaidjutimun talvani University of Waterloo.
“Pidjutiqaraluqtilluni nunarjuami aanniarutimun, Ms. Tao iqhihimaittumik pijumajaa ajungnaraluaqtumun pijakhaujumullu havaariraakpaktakhamik ilihautigilugu,” uqaqtuq Nan'ngarijaujuq Jeannie Ehaloak, Ministanga QEC-kunut. “Quviahuktunga aittuutigivlugu maningnik ikajuutikhamik ikajuqtaujakhamun inungmun ikajuqhimmaaqtumun Nunavunmiutanun tadja ajurnaraluaqtillugu pijakhani.”
Tamna kuapuraisingit aituivaktaat $5000 tausin taalamik ilihairutikharnik ukiuk tamaat itqumajumik Nunavunmi ilihaqtumun tautuktitihimaaqtun anginirmik ilihairutikharjuarnik iniqtiginikkut havakhimaagumajumiklu nunallaani ilaujumapluni. Tamna ilihairutikhaq Ikajuutikhaq itqaumadjutikhatigun Laura Ulluriaq Gauthier taimaa havadjariktuq aulatitijaangat Nunavutim nanminikharnik pauwaqarvikharnik.
“QEC-kut nan’ngarijut quviahuutigijumavlugu Ms. Tao akhut pivakpiakpangman nakuujunik pivluni akhuurutigivlugulu kuapaliisitkut ukiunginni maningnik ikajuutikhaanun,” uqaqtuq Rick Hunt, QEC-kut Angijuqqaaq Atanngujaulluaqturlu. “Nakuukpiaktumik pidjutikhaqadjavuq iliharjuumitillugu iliharvirjuami.”
###
Tuhaqtipkainikkut Uqarvigijakhaq:
Renee Boucher Atan’ngujaullaktuq, Kuapuriisitkunni Tuhagakhanut
Qulliq Alrujaqtuqtunik Ikumadjutiit
(867) 979-7524
rboucher@qec.nu.ca Zan Tao, Iqaluit