Iqaluit, Nunavut (Qiqaiyaqvia 3, 2023) – Qulliq Alrujaqtuqtunik Ikumadjutiit (QEC) tuhaqtitiliqtut Tati Connelly-Clark Kangiqlinirmi imaatut 2022 Laura Ulluriaq Gauthier Ilihaqtumut Maningnik Ikajuutikhaq aittuqtaujuq. Tikuaqtauhimajuq quviagijaminik niqailiurnikkut uvalu nunallaani akiitumik ikajuinaqhuni Nunavunmi. Ms. Connelly-Clark tadja piliqtait Inuliqijikkut Naunaitkutikkut uvani Nova Scotia Nunallaani Ilihariaqpaallirvik. Ihumaliuqtuq utiriami nunavunmut havakhimmaaqlunilu nunallaani nakurudjutinganik.
"Talvuuna iliharnikkut-ikajuutikhani tikkuaqtaunikkut havaguti, aulahimmaaqtunga iliharnikkut inirhimanirnik Nunavunmiunni," uqaqtuq Nan'ngarijaujuq Craig Simailak, Minista munarijuq QEC-kunnun. "Quviahuutigijara Ms. Connelly-Clark quviagijaa ihuaqhijuumirahuaqhugu qanuriniit inuuhiit Inuit, piblugit anginiqhakkut iliharnikkut nakuunikkut."
Aulatitivakhimajuq 2001mi, tamna kuapuraisingit aituivakhimajuq taima $5,000 tallakharniaqtun ilihairutikharnik ukiuk tamaat Nunavunmi ilihaqtunik tautuktitivakhimajut ilihairutikharnik ihuarutikharnik nunalaanilu hivuliqtikharnik. Aituijaangat uminga ilihairutikharnik ikajuutikharnik ikajuutiginiaqtun itqaumajaangat Laura Ulluriaq Gauthier, hivuliqtiuvakhimajuq auladjutikharnik talvani auladjutikharnik Nunavutim nanmnikharnik alrujaqtuqtunik.
"Quviahuktunga QEC-kut ikajuqtaaqtut Tati's iliharnikkut auladjutaanun," uqaqtuq Rick Hunt, QEC-kut Angijuqaanga CEO-lu. "Atuqpakhimajuq havangniq nunallaamini, uvalu piumabluni uqautigilugit ajuiniit uvalu pitquhikkut ilihimanikkut ikajuutikhat aalanun, ihuaqtuq."
###
Tuhaqtittijit Hivajarlugu:
Bibi Bilodeau
Tuhaqtipkainikkut Havaktia
Qulliq Alrujaktuqtunik Ikumatjutiit
(867) 222-2075
bbilodeau@qec.nu.ca