IQALUIT, Nunavut (September 12, 2019) – Qulliq Alruyaqtuqtunik Ikumadjutiit (QEC) quviahuktun tuhaqtitiyaangat tamna Anchaleena Mandal Iqalungnin tikkuaqtauyuq umani ukiup aituqtauniaqtuq taffuminga Laura Ulluriaq Gauthier Ilihaqtumut Maningnik Ikayuut Aittutikhaq. Anchaleena talvani Queen’s University Accelerated Route Taaktiunirmik Iliharvianni ilihaqtut havakhimmaaqturlu piliuqhuni ajuinniqhainnik Inuktitut ihuaqtqijamik uqaqatigijanginik hivunirmi aanniaqtunut.
“Ms. Mandal ihumamitigut akhuuqhainikkutauyuq, akhuuqtuq nunallaani ilauyuq, atuqtuyaqtiuyurlu. Quvianagaluq tuniyami una Laura Ulluriaq Gauthier Ilihaqtumut Maningnik Ikayuut Aittutikhaq,” uqaqtuq Nanngariyauyuq Jeannie Ehaloak, Minista munariyalik QEC-kunik. “Quviahuutinikkut ilihaiyami, iliqatigiyainaqtuq ilihimaniit ilihaqhimayanigit pitquhiit qauyimayauyanginiklu kitumun inunun, quviaqutingnaqtuq.”
Tamna aituutikhaq aulaniqaqtuq itqaumadjutikharnik Ms. Gauthiermun aituihimaaqpakhimayaingit havagvingmun nanminiqaqtunik alruyaqtuqtunik kuapuraisimun Nunavunmi taima huiqtinani talvuuna 2000mi. Aulatitivakhimayuq 2001mi, tamna $5000 tausin tallauyuq ilihairutikharnik maniit ikayuutikhat ukiuk tamaat ukpigiyauhimayumik ilihaqtunik aulahimaaqtun ilihagiaryuarvingmun ilihagiaqturniaqtunik ilihaiyunun.
“QEC quyahuutigiyait Ms. Mandal’s iniqtiqhimavainik naammaktumiklu ilihaidjutikhanik ilihaiffarutani pinahuarniarman pingahuata ukiuq ilihaidjutini talvani Queen’s University-mi,” uqaqtuq Bruno Pereira, QEC-kut Angiyuqaak Angiyuqaaluarlu Atanniq. “Ilihaqhimarumainaqtuq ilidjumiyutikhamingnik quvianaqtuq. Inminik uplangaiyaqtuq iniqtirutikhaminik.”
###
Tuhaqtipkainikkut Uqaqvigiyakhaq:
Renee Boucher
Atan’nguyaukaffuktuq, Kuapuraitkut Tuhaqtipkaiyini
Qulliq Auladjutikhanut Kuapurainga
(867) 979-7524
rboucher@qec.nu.ca