IQALUIT, Nunavut (Tattiarnaqtuq 23, 2020) – Qulliq Alruyaqtuqtunik Ikumadjutii (QEC) aituqtauvakhimayuq tapfuminga 2020 Laura Ulluriaq Gauthier Ilihaqtumut Maningnik Ikayuutikhaq Jenna Kilabuk Pangniqtuurmin. Ms. Kilabuk kingulirmik ukiumik ilihaqtun ilauliqtuq talvani Nunavunmi Ilihaiyikhat Iliharvikhanik Nunavunmi Ilihaliarpaarvingmi.
“Taima uinngairyumigianganik ihumangit ilihaqtun, hivunikhanga atuqtaa ikayugianganik naunaiqyumirutikharnik atuqtauhimaanginaqtun ublumimun ilihaidjutikhangit nunagiyaptingniklu pitquhingit upigiyaunginaqtun,” uqallaktuq Nan'ngarijaujuq Jeannie Ehaloak, Minista munariyuq QEC-kunnun. “Aituivaga ihuarutikharnik aulahimaaqtiluni hivuliqtikharnik aulavikharnik ilihaqtunik.”
Tamna kuapuraisingit aituivaktaat $5000 tausin taalamik ilihairutikharnik ukiuk tamaat itqumayumik Nunavunmi ilihaqtunik tautuktitihimaaqtun anginirmik ilihairutikharyuarnik iniqtiginikkut havakhimaagumayumiklu nunalaani ilauyumapluni. Tamna ilihairutikhaq Ikayuutikhaq itqaumadjutikhatigun Laura Ulluriaq Gauthier taima havadjagiktuq aulatitiyaangat Nunavutim nanmnikharnik pauwaqarvikharnik.
“Tikiutiliqtuq 20nik ukiunganik talvuuna Ms. Gauthier huirviangani, quviahuktunga kuapuraisingit nangadjutihimaaqtaat iniqtigiyainik talvuuna aituihimaarnikkut 2020mi ilihairutikharnik ikayutikharnik ilitarnaqtumun ilihaqtunik taimaitutun Jenna Kilabukmun,” uqallaktuq Jamie Flaherty, QECkungit Angayuqaluaqtitaulaqtuq Aulalapkaiyiinguyurlu.
###
Tuhaqtipkainikkut Uqarvigijakhaq:
Renee Boucher
Atanngujaullaktuq, Kuapuriisitkunni Tuhaumapkaidjutini
Qulliq Alrujaqtuqtunik Ikumadjutiit
(867) 979-7524
rboucher@qec.nu.ca