QEC kut havangniaqhimayut aanniqtailiplutik alruyaqtiqtiqviqaqlutik Nunavunmiunut. Upalunggaidjutiqaqtugut havaqattaqlugit aktungnarniit QALAQYUARTURNIKKUT-19 hiamatirniatigun.
Maliqhugit pitqunia Nunavut Kavamanga ikiqlinahuaqhugit inungmiutailidjutaata, Inungnut Kivraqtuiyit havagviita tamaani nunaptingni umiqhimaniaqtut aulaqtiqluni Hivullirmi, Maassi 23, naunaiqpat kihiani.
Akilirarhat naliangniklu qanuqtun akiliqtaaqtaitigun talvunggaulutin QEC kut qaritauyakkuugutaannut naqillugu hamani.
Apikkuutiqaguvit QEC kivraqtuidjutit inungnut hivayaquyut hamunga 1-866-710-4200 qaritayaqvigilugitluunniit hamani customercare@qec.nu.ca.
Unniutiyaami pauwaiqtumik qilamiugutauqpatluunniit pauwatigun, hivayadjavat qilamiugutauyuq hivayautaannut uvani 1-867-222-3807.
Quana qilanaangginnavit.
###
Tuhaqtipkainikkut Uqarvigiyakhaq:
Renee Boucher
Atan’nguyaukaffuktuq, Kuapuriisikkut Tuhaqtipkaiyinni
Qulliq Auladjutikhanut Kuapurainga
(867) 979-7524
rboucher@qec.nu.ca