Qulliq Alruyaqtutinik ıkumadjutiit (QEC) tuhaqtittumayait Nunavunmiut uqhuryuamik, kuviyuqaqtuq Qausuittup pauwaqarvianit. Kuviraqruq nalvaaqtauyuq unnuaq 2-mungaqtumi Qiqaiyalirvia 16, 2018, imatullu qilamiuqtut nunamik haluummaqtiriliqhutik. Imaatut 1000 litres -nguyuq uqhuryuaq kuvviyuq iluannut pauwaqarvianut uqhuqarvianit hiammittunillu hilatanut ukkuangagut ngniqutiqarvianit. Huuq kiugiyakhanik naunaiyaqtauhimmaaktuq.
QEC-kut havaktingit hanaqititlugit ihuaqhaiplutik uqhuryuaq kuviliqtitlugu taimaitumik nutqaqtittaat uqhuryuaq kuviyuq nutqaqtittat. Kuapuliisitkut avatiliqinikkut Ayuiqhattiaqhimayuq ukuallu Nunatta Environmental Services Inc.-kut tingmiyut Qausuittumut aallanik kuviyuqarangat ikayuutikhanik tamayanik haluummaqtirutikhanik agidjiplutiklu. QEC-kut havaktingit havaqatigiyait nunamingni haluummaqtirinikkut.
Kuapuliisitkut tadja hanayut nutaamik pauwaqarvikhanik igluqpangmik Qausuittumi. Uqhuryuaq kuviyuq uttuqqarmi pauwarvarviani iqluqpaani nayugani. Qayangnaittumik havaktiit havagvianniiniaqtut nunanganik haluummaqtirititlugit, nunaganit nunaqaqtut apirriyauyut qayaritquyauplutik havagvigiyaanik havaktitlugit haluummaqtiriyut.
QEC-kut akhuuqpaktut pimmarikharumaplugu nunangit havaktiqaqhutiklu ayuiqhattiaqhimayunik atuqtittiplutik ihuaqhiqharnik avatimut atuqtauyukhanik maliqayakhainiklu, maliktakhaliuqhimayut aviktutqhimaniani kavamatuqqatkunitlu maliktakhainik.
QEC-kut mamiahuktut ihuitkutauyunik nunanganut pidjutaanit tadja.
###
Tuapkaidjutikanut Uqarvikhat:
Renee Boucher
Atannguyaq, Kuapulisiitkut Tuhapkaidjutainut
Qulliq Alruyaqtuqtunik Ikumadjutit
(867) 979-7524
rboucher@qec.nu.ca