IQALUIT, Nunavut (Niqiliqivik 18, 2021) – Nan'ngarijaujuq Jeannie Ehaloak, Ministanga Qulliq Alrujaqtuqtunik Ikumadjutiit (QEC) angiktaa pauvaqarvingmut himmiutikhat Iqaluktuutiami, Uqhuqtuumi Iglulingmilu, junuliitakhamullu himmiutikhaq Iqalungni pauvaqarviani. Kuapaliisitkut tunijaat uuktuutikhaq havaktaujakhanun talvani Qiqaijalirvia 3, 2021.
“Ihivriuramikku Qulliq Alrujaqtuqtunik Ikumadjutiit (QEC) uuktuutat imaalu qauhijaqatigiplugit Igluin Auladjutitigun Akitutilaanginnut Katimajiit, qujahuktunga angiqhugu pauvaqarvingmi himmautikanik nutaanguqtirutikhallu,” uqaqtuq Nan'ngarijaujuq Jeannie Ehaloak, Minista Munarijalik Qulliq Alrujaqtuqtunik Ikumadjutiit (QEC-kunun). “Ikajuutikhaq aviktuqhimajumi pauvatuutikhanun aulapkaidjutikhainuni ikajuutauniaqtuq Nunavutip maniliuqpalliadjutikhainun ihuaqhiutilunilu auladjutikhanun hivun’ngani pijumajainun Nunavunmiut”.
QEC hanalirumajaat nutaat pauvaqarvikhat Iqaluktuutiami, Uqhuqtuumi Iglulingmilu inirumavlugit talvani 2025-26 himmiutikhaillu jinuliitakhanun Iqalungni iniqtirlugu talvani 2023-24. Manikhat kanataup kavamanganit Ukiuqtaqtumi Auladjutikhanun Manikhaq tukhiutauniaqtuq ikajuutigilugu amigaitqijaanun havaktaujakhamun akikhainun.
Himmiutilugit utuqqanguqtunun pauvatuutikhanun aulapkaidjutikhainun nutaanun alrujaqtuutikhanun pauvatuutikhanun ihuaqtumik qajangnaittumik pauvatuutikhanik akhuurutihimmaaqtaat QEC-kut pilluarumajamingnun”, uqaqtuq Bill Nippard, QEC-kut Angajuqqaangugillaktaat CEO-lu. Ilagilugulu nakuukpiaktumik aul;aqjutikhanik, nutaaq pauvaqarvikhanut qanuq piliurutikhainun pipqaqniaqtaat QEC-kut atulirianginni aularanginnaqtun auladjutit pauvatuutikhanun”.
Naunaiqhittiarumaguvit uuktuutikhakkut, takulugu www.qec.nu.ca.
###
Tuhaqtipkainikkut Uqarvigijaqhaq:
Renee Boucher
Atan’ngujaullaktuq, Kuapuriisitkunni Tuhagakhanut
Qulliq Alrujaqtuqtunik Ikumadjutiit
(867) 979-7524