IQALUIT, Nunavut (Niqiliqivikmi 9, 2019) – Qulliq Alruyaqtuqtunik Ikumadjutiit (QEC) tuniyuq Angiyumik Havauhikhamut Laisikhanganik Uuktuutimik (MPPA) Nan’ngariyauyumut Jeannie Ehaloak, Minista munariniqaqtuq QEC-kunnut, tukhiqtun nuutaami ataniqarvikharnik afisiaharnik Qamanittuarmi.
Talvannga uuktuutikhaq titiraq angiqtaukpat, nappaqtitaurvikhanga nigiugiyauniaqtun auyami 2020mi iniqtiqniaqtaat ukiakhaliqan 2021mi. Tukhiqtauyukhaq havaaqhaq nallautiqhimayuq akikhanga $1.3 milian talllauniaqtuq.
“Ihumaliurniaqqunga taimaa ihivriurupku QEC-tkut uuktuutinga uqaqatigupkulu Uumaqutingit Akingit Ihivriurningit Katimayiingit,” uqallaktuq Nan'ngariyauyuq Jeannie Ekhaloak, Ministauyuq QEC-kutni.
Malikhautikharniituq talvani Naunaitkunmi 18.1(2)mi uvani Qulliq Alruyaqtuqtunik Ikumadjutiit Maligarni, Qulliq Alruyaqtuqtunik Ikumadjutiit piqaqtukhat ministamin angirutikharnik hivunirmi aulatitiyaangat angiyunik maniit atuqtauyukharnik havaaqhangit taima atautimiitun akikhangit taima avatquhimayumik $5 milian tallamik.
Tamna napaqtirutikhanga nuutaamik atanguyaqarvikhangit afisiakharnik talvani Qamanittuarmi ilitugipkainiaqtun qaffiunik hanaqidjutikharnik ilauqarniaqtun ihualuangitunik inikharnik piqagianganik tamainik titiqiqiyukharnik havaktikharnik atauhirmi nayugaani unalu qanirliliqtuq-naunaitkutikharnik nutqaqtitauniaqtun atugagianganik atauhiinarmik afisiakharnik inikhaqaqtukharnik. Hadja aulayut, 41nik havaktiqaqtun havakhimaaqtun pingahunik allanik afisianik nunalaangani.
“Angikliyumiqtitiniaqtun auladjutikharnik ihuarutikharnik aulatitiyaangat atautimiitukharnik ihuagiikhimayukharnik havagvingmik nayugaani Qamanittuarmi havaktinik hivulliuniaqtun kuapuraisinarnik,” uqallaktuq Bruno Pereira, QEC-kut Angayuqaanga CEOnguyurlu.
Kangiqhittiarumaguvit talvuuna angiyunik havaaqharnik laisikharniklu uuktuutikharnik talvani Qamanittuarmi nuutaamik atanguyaqarvianganik afisikharnik, pulaaqlugit qaritauyakkut www.qec.nu.ca.
###
Tuhaqtidjutikhanut Uqaqvikhaq:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca