IQALUIT, Nunavut (Niqiliqivik 9, 2017) – Qulliq Alruyaqtuqtunik Ikumadjutiit (QEC) tuniyuq Angiyumik Havauhikhamut Laisikhanganik Uuktuutimik (MPPA) Nan’ngariyauyumut Johnny Mike, Minista munariniqaqtuq QEC-kunnut, apiriyuq angirutikhamik nappaqtiriamikni himmautikhaanik pauwaqarvikhaanik Kugluktumi.
Tamna ihumagiyauyuq havauhikhaq ilaliutihimayuq nutaamik urhuqyuaqtuqpallaangittumik januriitamik nutaaniklu hanalrutiuyunik ikayuriami ikikliyuumiriami anianiinnik nipiqquqtuvallaangittumiklu. Kugluktup nutaaq pauwaqtuutikhaanik nunallaani napadjutingit akiqarniaqtuq $31.4 milliat taalamik ilaliutiyuqlu igluqpiliurninnga nutaamik pauwaqtuutimut alruyangit Kugluktumi. Angiqatigiigiami QEC-tkut tautuktuuyaaqtaminik halumayumik pauwaqtuutikhamik, tamna havauhikhaq pipkaidjutiyuq ilaliutinganik nungulaittumik aulayunnautikhaanik pauwaqtuutinganut.
“Piliuffaarninnga Nunavuutim pauwaqtuutimut nunallaani napadjutinginnik kuapuriisiup quulitqianga hivulliutiyakhaq naunairiami qayangnaittumik, munariyanganik, akituvallaangittumiklu pauwaqtuutikhaq, pigiami nunavuutim angikliyuumiqtuq pauwamik ihariagiyut ikayuriamilu maniliurhimmaaqtuqlu,” uqaqtuq Nan’ngariyauyuq Johnny Mike, Minista munariniqaqtuq QEC-tkunnut. “Ihumaliurniaqqunga taimaa ihivriurupku QEC-tkut uuktuutinga uqaqatigupkulu Uumaqutingit Akingit Ihivriurningit Katimayiingit.” Talvannga MPPA angiqtaukpat, nappaqtiniaqtut 2019mi ihumagiyauyuqlu iniqtiqniaqtaat 2021mi.
Naunairyuumirumaguvit MPPA-nganik Kugluktup nutaaq pauwaqarvikhatigut, takulugu www.qec.nu.ca.