Qulliq Alruyaqtuqtunik Ikumadjutiit (QEC) iliitturipkarumajait Nunavunmiut kuapuriisitkut utirnialiqtun aturaanginnaqpaktamingnun kinguvaqtihimajuni pauwatuutikkut havagutinun. Talvannga Niqiliqivik 11, atuqpaktuq piqaqtun kinguvaqtihimajunik pauwaliqidjutinik pipkaqtitauttaaqtun pauwaliqidjutimingnik kipijaulutik kiklighaqatipkaqtitaulutikluunniit pauwatuutait.
QEC hailipkaihimmaaqtuq ajurnaittunik akiliqtuinikkut qanuriliurutikhanik iglugijaujunun havagvingnulluunniit atuqpaktunun taapkuat akilimaittait tamaat tatqiqhiutini pauwatuutinik akiliqtakhamingnik tamaat. Pauwatuqpaktun pijariiqhimaliqtun uumunga ajurnaittunik akiliqtuinikkut qanuriliurutikhamun ihuarharhimajuq uvani QEC-kut Atuqpaktunun Ikajuqtinun hulaqutiqalimaittuq uumannga allanguqtirutimin.
Ajurhaliruvin akiliriami tamaat tatqiqhiutini pauwatuutingnik, uqaqatigidjavat kuapuriisitkut Atuqpaktunun Ikajuqtiit havagvia hivjaqlugu una 1-866-710-4200 qaritaujakkut titiqqilutilluunniit CustomerCare@qec.nu.ca ihuarhariami ajurnaittumik akiliqtuinikkut angirutimik.
Kuapuriisitkut ilitarihimajaa hamna ajurnaqtukkut pidjutiuliqtuq amigaittunun Nunavunmiunnun havagumajullu tuninikkut ikajurutikhanik atuqpaktunun atauhillaaqqut tunnganiqarlutik.
Naunaiqhittiarumaguvit qanuqtut akiliqhitikharnik pauwatuutingnik, takulugu www.qec.nu.ca.
QEC-kut qujagijait atuqpaktun utaqqidjutainnun kangirhimadjutainnullu uvuuna.
###
Tuhaqtidjutikhanut Uqarvikhaq:
Catherine Whittaker
Atannguyaq, Kuapuriissat Tuhaqtittiyiit
Qulliq Alruyaktuqtunik Ikumadjutiit
(867) 979-7513