IQALUIT, Nunavut (September 21, 2017) – Qulliq Alruyaqtuqtunik Ikumatjutiit (QEC) uuktuliqtuq Ministauyuq talvunga QEC nutaamik Uqhukhaqtaliqinikkut Akitutilaanganun Himmiqattangitjutikhaq (FSR) utiqtitjutikhainnut aktilaanganik 5.41 cents atauhirmut kilowatt ikaarniq. Taimailiurumayaq utiqtitjutikhainnut tatqiqhiutilik October 1, 2017min talvunga March 31, 2018mun.
“Una tallimaat kinguliriiktaqhutik FSR utiqtitjutikhainnut QEC tukhirutaa November 2015min. Niriukpunga uqaqaqtigiingnirmik Igluin Aulatjutitigun Akitutilaanginnun Katimayiit talvuuna QEC’m uuktugaanik,” uqaallaktuq Nan’ngariyauyuq Johnny Mike, Ministauyuq talvunga QECmun.
QEC’m tatja FSR utiqtitjutikhainnut ittuq 8.23 cents atauhiqmut kilowatt ikaarniq kiklilik September 30, 2017mut. Tamaita akiliqtuiplutik pivikhaqaqtut tuniyauniaqtut FSR utiqtitjutikhainnut taapkuangungittut kihimi igluliqiyitkunnit igluqaqtut akikhilaarutitariikpangmata talvuuna Aturamik Akiliqtuiyut Hanaqitjut.
“Itqaumatkuyavut akiliqtuiplutik pivikhaqaqtut taimaa utiqtitjutikhainnut iniriiqhimavangniaqtut piutaanut tatqiqhiut naatkaangat pauwatuut akiliqtakhainnut. Akiliqtuiplutik pivikhaqaqtut iniqtiriittut titiqqamik tuniyauyaamingni utiqtitjutikhainnut,” uqaallaktuq Bruno Pereira, QEC’m Angiyuqqaanga piuplunilu Atan’nguyaqTukimuaqtiyilluaq Havakti.
Nutaaq FSR utiqtitjutikhainnut uuktuut itjuhilik aulahimmaaqtumut akikhilaarunmut QEC’m uqhukhanut akiliqtugainnut avatqutjutinilaqutiyuq kuapuliisim FSR Maniqarvianut. Avatqumatjut itjuhilik akianit uqhuit alruyaqtuliqinikkut akiinnit akiliqtaulluanganit uqhuup akiliqhitjutaa QECm.
Qanuritjutait taaffuma FSR’m utiqtitjutikhainnut uuktuut ittut talvani www.qec.nu.ca.
###
Tuhaqtitjutikkut uqarvik:
Sheila Papa
Atan’nguyaq, Kiinauyaliqiyikkut Tuhaqtitjutait
Qulliq Alruyaqtuqtunik Ikumatjutiit
(867) 979-7534