IQALUIT, Nunavut (Hikutirvia 19, 2024)—Qulliq Alruyaqtuqtunik Ikumadjutiit hivumuuliqtut akhuurutimingnun hakugikhijuumirnirmun uvalu ihuaqhainirmun auladjutit igluqpainun aviktuqhimajumi imaa tunihiblutik napaqtirinirmun katulaangnik pauwaqarvingnun himmauhiqtaujukhanun havaakhat ukununga ADCO Pauwaqarvik Iqaluktuutiami ukualu Pilitak Enterprises Uqhuqtuumun Igloolingmunlu. Aulaniit hapkua havaakhat naunaijautaujut ihariagijaujut atugahat pijaangini ihuarnikkut pauwat auladjutait nunallaanun, atuqhugit hivumuurutit ihuaqhivallianirmun qajangnautit, ikajuqhugillu ilaujut atuqhimaaqtut auladjutinun ikajuutit hivuniptingni.
“Imaa tunihinirmun hapkua akutlaat, pidjutigiblugit nunallaat' amigaiqpaliajullu auladjutit ihariagijaujut,” uqaqtuq Nan'ngarijaujuq John Main, Ministaa munaqhijuq hapkuninga QECkunik. “Kuapaliisit akhuuqtut havklugit ihuaqtut akiitigullu-ihuaqtut ihuaqhaidjutit tapkua auladjutit akiliruminarniinun pijaarnirmunlu Nunavunmiunun.”
Nutaaq pauwaqarvikhat Iqaluktuutiami, Urhuktuumi, Iglulingmilu niriuktaujut aularutilutik napaqtirutait 2025-26mi maniliqinikkut ukiungani. QECkut pijun maningmik hapkunuuna Arctic Energy Fund ikajuutikhaq havaakhat akiinun.
“Una maniliurut ublumimun auladjutikkut igluqpak akhuungnaqtuq nunallaanun," uqaqtuq Ernest Douglas, QECkut amgijuqaanga CEO. “Hapkua pauwaqarviit himauhiqtuutait pidjutiqarniaqtut nutaanguqtiqhimajunik auladjutinik taokua nakuutqiagut qanuriniinun QECkut ilaulugu aulahimaaqtuq auladjutinun ikajuut nunallaat alrujaqtuutainun hivuniptingni.”
Iniqtirumik, hapkua pauwaqarviit ikajuutiginiaqtaat QECkut tikinahuarutainun tunihinirmu qajangnaitumik ihuaqtumiklu pauwatuutinik Nunavunmun hivumuuqhimaaqhugit aturuminaqtut auladjutinun pinahuarutit tapkua ikajuutaujut aviktuqhimajumi hivitujumk-kikliqaqtut maniliunirmun pivalliadjutinun. Naunaiqhittiarumaguvit uuktuutikhakkut, takulugu www.qec.nu.ca.