IQALUIT, Nunavut (Qiqaiyalirvia 16, 2018) – Qulliq Alruyaqtuqtunik Ikumadjutiingit (QEC) anginirmik havaaqhaliqiliqtun laisikharnik uuktuutinik napaqtigiyaangat himautikharnik pauwaqaqvikharnik Kugluktumi angirutigiyauvakhimayuq talvanga Ministamin munagiyuq QECkutni.
“Tamna aulayuq pauwaqaqvik aulatitiavakhimayuq qayangnairutikharnik ihuaqtumiklu alruyaqtuutikharnik nunalaanun taima 50nik ukiunik, taima kiklivikhanga himiqtauyukhaliqtuq,” uqallakhimayuq Nangariyauyuq Jeannie Ehaloak, Minista munagiyuq QECkutni. “Tamna himautikhanga pauwaqaqvikhaq napaqtitauniaqtuq malikhautikharnik pigiaqarluni katitirutikharnik allanik alruyaqtuutikharnik havaaqhangit, piyaangat nunaptingnin auladjatikharnik allanik taimaituunginainarmik urhuqlungnik.”
Nallautiqhimayuq akikhanga taima $31.4 milian tallamik, angiyuq akituyuq maniit havaaqhanga aulayukhaliqtuq taima 2019mi nigiuqtauyuqlu taima iniqtiqtauvikhanga 2021mi. Tamna nuutaaq pauwaqaqvikhaq napaqtitauniaqtun nuutaanik urhuqlungnik ihuaqtumik ingniqutikharnik nallautiqhimayuq taima ikikliyumiqtitiniaqtun puyurlungnik ikianun nipiquqtuhivalaarnaitumiklu.
“Taima akhurnaqtuq taima QECkut aulahimaaqtukhaq tapfuminga pauwaqaqvikharnik havaktauhimaaqtukharnik havaaqhangit naunaiyaiyaangat auladjutikharnik qayangnairutikharnik ihuaqtumiklu pauwaqarvikharnik Nunavunmiunun,” uqallaktuq Bruno Pereira, Angiyuqaak Atanguyauyuqlu talvani QECkutni. “Nallaumanikkut talvuuna kuapuraisingit tautugumayainik aulatitiyumayunik halumayumik alruyaqtuutikharnik aulavikharnik, piluagumayugut taima atuguminaqtunik alruyaqtuutikharnik auladjutikharnik ilauqaqtunik pidjutikharnik tamainik nuutaanik pauwaqarvikharnik himautikhanik havaaqharnik.”
Naunairyuumirumaguvit Kugluktup nutaaq pauwaqarvikhatigut, takulugu www.qec.nu.ca.
###
Tuhaqtipkaiyut uqaqatigilugu:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca