IQALUIT, Nunavut (Ubluiqtirvia 9, 2019) – Qulliq Alruyaqtuqtunik Ikumadjutiit (QEC) nakuuyumik pidjutigiyaat hilataani ihivriurutit hapkunanga Ukiuqtaqtumi Qayangnautikkut Katimayiit (NSA). Ilauyut nakuuqpiaqtumik-pittiarnirmun, Kanatap-tamaat avatiini naunaiyainikkut pinahuarut, COR ihivriurutit ihivriuqtait atuqtauyut qayangnautikkut pinahuarutit ukualu havagvingmi atuqtauyut. QECkut iniqtiqtaat ihivriurutit tamainun naunaitkutaa imaa 86pusat.
“Uvani 2013, QECkut hivuliuyut kuapaliisit Nunavunmi tuniyauyut haffuminga COR ilitaridjunmik.,” uqaqtuq Nan'ngariyauyuq Jeannie Ehaloak, Minista munaqhiyuq hapkuninga QECkunik. “Ukiuq tamaat, QECkut aulahimaaqtumik havakhugit qayangnautit hivuliublugit havaktimingnun, katulaaktunun, akiliqtuiyununlu.”
Kuapaliisit havakhugit iluanu ihuaqhainikkut ihivriurutinik ukiuq tamaat uvalu hilataani ihivriurutit pinghunguraangat ukiut. Qanganuaq ihivriurutit ilauyut 13 havagviit pulaaqtauyut, 47 havaktit apiqhuqtauyut uvalu tamainun ihivriurutit aanniaqtailinikkut uvalu qayangnautikkut titiraqtauyut. QECkut havangniaqtait hulidjutikhatigut upalungaiyautinik hamanga 2019 hilataani ihivriuqtaunirmun uqautigiyaangini naunaiyaqhimayut kitut ihuaqhaqtauyukhat.
“Ukpiriyavut havagvingni aaniqtunun, aanniarutit uvalu anirutit atuqtailiyaaqtut,” uqaqtuq Bruno Pereira, QECkut Angiyuqaanga uvalu atanguyaq. “QECkut hivuliutivaktait uqautauyut ihivriungnikkut havauhiitigut piyaangini qayangnautikkut pinahuarutinun pihimablugit aulahimaaqtumik ihuaqhainirmun.”
###
Tuhaqtitiyunik Hivayainagialik:
Renee Boucher
Atan’ngujaukaffuktuq, Kuapuliisitkut Tuhaqtipkaijinni
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca