Nunavut-tamaat (Hikutirvia 1, 2022) – Qulliq Alrujaqtuqtunik Ikumadjutiit tuhaqtipkailiqtun nutaamik Nunvunmi tamaat alrujaktuutinun akikhainik pauwatuqpaktunun. Nan'ngarijaujuq Craig Simailak, Minista Munarijaqaqtuq Qulliq Alrujaqtuqtunik Ikumadjutiit, aangitaat una ataano nutaat akikhait atulirlugin talvanga Tattiarnaqhilirvia 1, 2022:
-
Kavamaungittunun iglunun akikhait taimaa 62 cents per kilowatt ikaarnimun
- Ataani Nunavutip Alrujaqtuutinun Ikajuutikhanun Pinahuarut, tamaita kavamaungittun iglunun pauwatuqpaktun akiliqhivaktun 50 pusat uumanga Iqaluit akikhaanin (tadja 31 cents per kilowatt ikaarnimun) alrujaqtuutinun atuqtainun talvunga 700 kilowatt ikaarniit talvanga Qitiqqautijuq 1 talvunga Apitilirvia 30 unalu 1000 kilowatt ikaarniit talvanga Tattiarnaqhilirvia 1 talvunga Qiqaijalirvia 31. Hunalikaak atuqtainun avatquttuq ikajuutikhamun pittaaqtamin akiliqtaujaani naunaiqhivaktun tamaat akikhaa atuqhugu. Nunami tamaat akikhainun naunaitkut pidjutauniaqtuq akhut akituvallaangittumun pauwatuqpaktunun kia tatqiqhiutimun atuqpagainun avatquttumun nunami ikajuutikhaq.
- Kavamaungittunun havagvingnun akikhait taimaa 51 cents per kilowatt ikaarnimun
- Kavamatkunun iglunun akikhait taimaa 93 cents per kilowatt ikaarnimun
- Kavamatkunun havagvingnun akikhait taimaa 87 cents per kilowatt ikaarnimun
Mikhijuumijaami maniliqinikkut ajuqhautin uumanga akikhaanin aallan’nguqtumun tahapkununga kavamaungittunun iglunun havagvingnullu pauwatuqpaktunun, kavamatkun alrujaqtuutinun akikhait akikhijuumijun akiklijuumijaanginnik akikhanun kavamaungittunun pauwatuqpaktunun. Nutaaq haamlatkut taaksiutinun pihimajuq akia angiqtaujurlu aadjikkutaanun akikhainun uumanga kavamaungittunun pauwatuqpaktunun ihuirutinnaittumun maniliqinikkut pidjutinun nunamiutanun. Kuapaliisitkun angiqtaujun akikhijuumijaanginnun apqutinun qulliinun akikhainun taimaa 5 pusat.
“Una nutaaq nunami tamaat naunaitkutaa kangiqhidjutaa tamaita pauwatuqpaktun aadjikkiiktumik pijun akiliqhiniaqtun aadjikkiiktumun akikhaanik alrujaqtuutinun humilikaak nunaqaraluaqhutik,” uqaqtuq Nan'ngarijaujuq Craig Simailak. “Kavamatkut ihumaliurutaat hivuanun ikajuutikhanun pauwatuutikhanut ikajuutigijainun Piliriqatigiinniq unalu Ikajuqtigiinniq piliuqhugin aallan’nguqtirutin ihuatqijaujunun aadjikkiingnirmun Nunavunmiutanun akiliqhivaktunun akituvallaaqtunik alrujaktuutinun akikhainik Kanatami.”
“Nutaat akikhait pidjutiginiaqtaat kuapaliisitkunun maniliurianginni pihimmaariami qajangnaittumik nakuujumiklu auladjutikhanun nunamun pikhamun akiliqhittaarianginnik uvaptingnin pauwatuqpaktunun,” uqaqtuq Rick Hunt, QEC-kut Angijuqqaangat unalu, CEO. “Una pidjutaujuq naunaittumik ikajuutigijainin Nunavut Kavamanganin hivumun ikajuutikhaq maniliurnikkut Nunavunmi nunallaanun.”
###
Tuhaqtipkainikkut Uqarvigijakhaq:
Renee Boucher
Atanngujaullaktuq, Kuapuriisitkunni Tuhaqtipkaijini
Qulliq Alrujaqtuqtunik Ikumadjutiit
(867) 979-7524
rboucher@qec.nu.ca