IQALUIT, Nunavut (Aktuupa 18, 2024) – Qulliq Alrujaqtuqtunik Ikumadjutiit (QEC) uuktuqhimaliqtuq uqhuqjuani ikajuutikhamik imaatun 1.35 cents/kWh talvanga Aktuupa 1, 2024, talvunga Maatsi 31, 2025. Uuktuuti tujuqhimajuq uumunga Mr. John Main, Minista munarijuq QECkunnik, qiniqhianiaqtuq pitquidjutinik uumanga nunaptingnin Igluin Auladjutitigun Akitutilaanginnut Katimajiinnin (URRC).
“Quvianaqtuq takujaami uqhuqjuani ikajuutikhaq atuqhimajuq talvunga Saptaipa 30mun akikhijuummiqtuq talvanga 3.70 cents/kWh 2024 talvunga 1.35 cents/kWh,” uqaqtuq Minista Main. “Ukiuq tikilirutaanun, una akikhijuummiqtiruti tuniniaqtuq ikajuutinik ukununga QECkunni akiliqtuivaktunun.”
Una uqhuqjuani ikajuuti taamnaujuq ilaliutihimajuq akiliqtakhaq utiqtitaujukhaqluunniit akiliqtuivaktuni akiliqtakhainni piujuq tautugiami aallakkiinniit ukunani uqhuqjuat akiinni atuqtauvaktun iliurariami pauwaturutini akitutilaanginnik ukunanilu pilluaqhimajunik uqhuqjuani akiinni akiliqtauvaktunik QECkunnin.
“Kihiani inungnun iglughainni igluqaqtunun ikajuutiqaqtun ataani Nunavunmi Igluliqijirjuatkunnin pinahuarutaanin, QECkunnun akiliqtuivaktun niriuktaaqtun akikhilaarutaa ilijauhungjuq tatqiqhiutini akiliqtakhaini, aullaqtiqluni Aktuupa pauwatuutikkut akiliqtakhainni,” uqaqtuq Ernest Douglas Atanngujuq Angijuqqaaqlu QECkunni.
Niriuktaujuq hulaqutit uvani aallanguqtiqhimajumik uqhuqjuani ikajuutimi akiliqtuivaktunun akiliqtakhainni unaujuq tatqiqhiutini akikhijuummirutimi imaatun $12.34 (ilaujuqlu GST) ukununga kavamaungittuni igluqaqtunun akiliqtuivaktunun atuqtun 500 kWh/tatqiqhitimi.
Aallanik ilitturipkaidjutikhanik QECkut uqhuqjuani ikajuutaani hailihimajuq uvani www.qec.nu.ca.
Tuhaqtipkainikkut Uqarvigijakhaq:
Bibi Bilodeau
Tuhaqtipkainikkut Havaktia
Qulliq Alrujaqtuqtunik Ikumadjutiit
(867) 979-7520
bbilodeau@qec.nu.ca