Qulliq Alruyaktuqtunik Ikumadjutiit (QEC) tuhaqhittumayai Nunavummiut tapkuat imaqtutit maqini atuqtauyuq talvani Kangiqhiniq piplugu hanalrutit atuttiangitnit. Tamna qanuritniq naunaiqtauyuq talvani 2 ublaami talvani November 3, 2019, naunaiyaqtauplunilu qilaminnuaq. Akungani 15,000-20,000 liitat imaqtutit, akuhimayuq taphuminga 15,000-20,000 liitat imaqmik, maqiyukhauyuq talvanga Nunaliit Avikhimaniani Uunaqutit Havagutai (DHS) tahamani avikhimaniani hauhimayuq huplut atayutai talvunga munaqhiqaqvikmun. Tamna aktuaya ilagiya taphuma Nunaliit Avikhimaniani Uunaqutit Havagutai qilamik naunaiqtauyuq imaiyaqhugulu. Qulliq Alruyaktuqtunik Ikumadjutiit tuhaqhityutigiya tamna qanurilitniq pilaqtittangi atuinaqnilu munarittiaqnia tamna qanuritniriya.
Naunaipkutaittuq tapkuat hanahimani ingilrayut maniqamun uvaluniit tikitnia maniqap qanganut. Imaititlugu ukiup ilaani, tamna Nunaliit Avikhimaniani Uunaqutit Havagutai huplu qiqumayuq nunap iluani pipkaiplutik qauyihainiq ayuqnarutainik. Qulliq Alruyaktuqtunik Ikumadjutiit naunaiqtat tamna nakuunirpaq atularniq utaqinianik upingakhaq, qanuritnit pilarutauyangi tamaat naunaiyaqnia, naunaiqnilu kitutliqak aktuanit.
Imaqtut taqhaittuq, tipaittuq, tipiqangittuq imaqta ilaa akuinalaq imaqmun. Tuqunaqngitniqhaq inungnut uumayunutlu, nalvauyutlu niqini, pinniqhautit havautitluniit hanayaunini mikiyuni aktilani. Tamnaluttauq, atuqtaunginnartuq hikuiyautini amihuniqhani milviuyuni, hikuttailininut aturialikni qariyaini qangattaqniahaqtitlugit tingmitit. Imaqtut atuqtauyuq talvani Qulliq Alruyaktuqtunik Ikumadjutiitkut Nunaliit Avikhimaniani Uunaqutit Havagutai piplugu pilaqnia nuktiraqnia angiyunik uunaqutainik.
Qulliq Alruyaktuqtunik Ikumadjutiit piqaqtitiniaq nutanguqninut tuhaqhitaut tamaat naunaiyaqnia iniqat.
Tapkuat kuapurisan mamiahuktut kitunikliqak ihuityutaukpat una pipkainia nunaliuyumun.
###
Tuhaqtittiyit Hivayaqtaghat:
Catherine Whittaker
Atannguyaq, Kuapuriissat Tuhaqtittiyiit
Qulliq Alruyaktuqtunik Ikumadjutiit
(867) 979-7513