IQALUIT, Nunavut (Hikutirvia 13, 2019) – Qulliq Alruyaktuqtunik Ikumadjutiit (QEC) tukhiraqtut taphumunga Nanngaqnartuq Jeannie Ehaloak, Minihitauyuq havalik tapkununga Qulliq Alruyaktuqtunik Ikumadjutiit (QEC), taphumunga angiyunut havanguyuq pilarut hanayanga nutaq qulliliqutiqaqvik talvani Ikpiarjuk. Tamna tukhiraut piyalik pilaqtittanga himauhiqnia tamna tatya aturtuq qulliliqutiqaqvik tikihimaliqmagu piniaqhimania atulaqnia.
“Ikpiarjuk aglivaliayuq piyumanit alruyaqtutit tamnalu nutaq qulliliqutiqaqvik hanatyuhikhalik piqaqtitninut hivuranaittumik, naahuriyaulaq ikumatyutit amihunut ukiunut qaiyunut,” uqartuq tamna Nanngaqnartuq Jeannie Ehaloak, Minihitauyuq havalik tapkununga Qulliq Alruyaktuqtunik Ikumadjutiit (QEC). “Naunaiyaqtarupku tapkuat Qulliq Alruyaktuqtunik Ikumadjutiitkut (QEC-kut) tukhirautat uqaqatigilugitlu tapkuat Ikumatyutit Aktilat Naunaiyaiyit Katimayit, ihumaliuqniaqtunga himautikhanut havanguyuq.”
Pikpata Qulliq Alruyaktuqtunik Ikumadjutiit (QEC) pitaqnia angiqtauniq, hanayaunia niriugiyauyuq atuqnia talvanga 2020 tikitlugu 2023 mikhautauyuqlu akitunia mikhaani $32 milian. Ikayuqnia akiliqtuqnianut tamna hanayaunia akitunit, tapkuat Kuapurisan tukhiqniat maniktakhanik tapkunanga kavamatuqatkut kavamait Ukiuqtaqtumi Ikumatyutit Maniktakhat.
“Tamna uuktut nutanguqninut ilaliutiyauniaq atutqikhalat ikumatyutit pilaqnit tatyalu uqhuqyuat atuqluqtailitit pitquhiliqutit, ikayuqtuqhugit Qulliq Alruyaktuqtunik Ikumadjutiit-kut (QEC-kut) nutpaliani mikhaanut mikhigiaqni nunatagauyup naahurini uqhuqyuat uqhuriyaunit,” uqartuq Bruno Pereira, Qulliq Alruyaktuqtunik Ikumadjutiitkut (QEC-kut) Angayuqaq Atanuyuqlu. “Havaqatigittiaqtavut tapkuat hamlakut naalakhugitlu ihumaliurutat nuktirianga havagutivut hilataanut taphuma nunaliuyuq.”
Tuhaqpaliriami tukhirautmut, takulugu www.qec.nu.ca/in.
###
Tuhaqtittiyit Hivayaqtaghat:
Catherine Whittaker
Atannguyaq, Kuapuriissat Tuhaqtittiyiit
Qulliq Alruyaktuqtunik Ikumadjutiit
(867) 979-7513
cwhittaker@qec.nu.ca