IQALUIT, Nunavut (Qitiaqqautiyuq 16, 2019) – Qulliq Alruyaqtuqtunik Ikumadjutiit (QEC) unniutiyumayait akiliqtuiyut tuklianik atuqtakhat akikhanut aktilanganut angigliyuummiutat angiqtauhimayuq Ministamit munariyalik QEC-kunik atuqtaulirniaqtuq Qitiaqqautiyuq 1, 2019.
Ihivriuttiaqqaqhugit QECtkut Naunaitut Akiliktuutikhangit Uuktuutikhaq tuniyauhimayut 2017-mi, Minista munariyalik QEC-kunik angiqtaa 6.6% angiglilaarutaa Nunavutim pauwatuutinut akitutilanganut, atuqtauyukhaq akiliqtuiuyut akiliqtakhainut malrungni ukiungni. Hivulliqpaamik angiglilaarutikhaa imatut 3.3% atuliqtauluni Qiqaijaluarvia 1, 2018-mit, Qiqaiyalirvia 31, 2019. Tuklianik angiglilaarutikhaa imatut 3.3% tadja atuliqtauyuq takunnaqhiniaqtuq akiliqtuiyut akiliqtakhani pauwatuutainut tatqiqhiutaani Qitiaqqautiyuq.
“Tamna nutaaq aktilakha ikayuutauhuguyuq QECtkut maniit pitquyauhimayut anginiqaqtumiklu igluqpoainut nutannguqtiutikhait iniqtiqtauyangini, “uqallaktuq Bruno Pereira, QEC Angiyuqqaaq, imaalu CEO. “Akittutaarutaaatuliqtauyuq avatquttugik malriungni ukiungni ikayuutikhanik mikhilaarutikhanik aktuqtaunianiuut akiliqtuiyunut.”
QECtkuttuhaqtittumayait akiliqtuiyut tamna uqhuryuanut akikhanut imatut 1.25 cents atauhirmut kilowatt ikarniq, iliyauyuq akiliqtuiyup akiliqtakhanut siksit tatqiqhiutit hivitunianik Tarium Hikutirvia 1, 2018, talvunga Qiqaiyalirvia 31, 2019, nungutpat.
Auqhuryuanut akikhanut piyariaqnagittuq siksini tatqiqhiutini hivituunianik Qitiaqqautiyuq 1-mit Apitilirvia 30-mut, 2019, pidjutigiplugu qanikkut uqyuryuat akikhilarutat atuqtauliqtuq Qitiaqqautiyuq 1, 2019. Uqhuryuat akiinut ihivriuqtauvaktut ukiakhami naunaiqhunguyuq uqhuryuanut akikhanut pitquyauniariakhaanik siksini tatqiqhiutini.
Nutaat alruyaqtuutinut akikhangit, atuliqtauyukhat Qitiaqqautiyuq 1, 2019, takuinarialgit uumani www.qec.nu.ca.
###
Tuhaumapkainikkut Uqaqatigivikhaq:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
Kangiqhidjutikhanga
Akturningit igluqaqtunut akiliqtuiyunut
Atuqhugit nutaat akikhangit atuliqtauyut Qitiaqqautiyuq 1, 2019, igluqaqtut akiliqtuiyut tgakulimaitat akittutaarutaa tatqiqhiunmi akiliqtakhamingni pihimagumik tuniyauhimagumik Nunavunmi Alruyaqtuutikkut Ikayuutikkut, pauwatuutiqarumik naunairiiqhimayumi aktilkhanik, iaalu aadjikuutainik tatqiqhiunmi pauwatuutimingnik atuqtakmingnik. Akiliqtuiyut avatqutkumikkik aktilakhanik pauwatuutikhamingnik aturnikhat takuniaqtut akittutaarutanik.
Aallangulimaittuq akiliqtuiyunut akiliqtakhait tamna akittutaarutaanik Qitiaqqautiyuq 1, 2019, aktilakhanik uqhuryuanut akikhanut akiliqtakhat nutqaqtuq Qiqaiyalirvia 31, 2019.
Akittuutat pidjutaulimaittuq akiliqtuiyunut igluliqiyitkunit igluqaqtunut.
Naunaitut Akiliktuutikhangit Uuktuutikhaq
Tamainni Naunaitut Akiliktuutikhangit Uuktuutikhaq (general rate application - GRA) apiqhidjutaa aallannguqtiriami alruyaktuutinut akikhainut. QECtkut tunihiyut GRAmik haffumunga Ministamun Munaqhiyumut QECtkunik uvani Tattiarnaqhilirvia 18, 2017. Kinguliqpaamik ihumaliurutat talvuuna GRA malikhugu ihivriuttiaqtauhimayut Igluin Aulatjutititgun Akitutilaanginnut Katimayiit (URRC) ukuallu inungnit qauyihaidjutainit.
Uqhuryuanut Akikhanut
Tamna uqhuryuanut ikayuutikhat atuqtunun akiliqtakhainut aallattauq akiliqtakhaq uvaluuniit uttiqtukhakluuniit atuqtunun akiligakhainut titirakhanganut piyukhautaugaluaqtuq naunairutikhanik ukuat uqhuryuat akikhangit naunaiqtauhimayut pauwatuutainut akikhainut unalu akikhalluanga akinga uqhuryuap akiliqtauhimayuq QECtkunnit. Hamna naunaiyaqtaunia iniqtauvaktuq siksini tatqiqhiutit naatarangata.