Nan’ngariyauyuq Jeannie Ehaloak, Minista Munariyalik Qulliq Alruyaqtuqtunik Ikumadjutiit (QEC), angiqtait QEC-kut nappaqtiriliquplugit nutaamik atan'nguyaqarvikhanik Qamanittuami. Kuapulisiitkut havagvianni hulipkaidjutingit ikayuqhiqtauvaktut atan'nguyaqarviani Qamanittuami uumanillu Kuapulisiitkut havagvianni Iqalungnillu.
“Tadja, 45-nguyut havaktingit havaktut pingahuni havagvingni nunangani,” uqaqtuq Minista Ehaloak. “Nutaaq atan'nguyaqarvik havagvikhat ihuaqutauniaqtuq QECtkut aulapkaidjutanik ihuatqiyangururluni tamaita Qamanittuami titiqiqiyingit havaktiit atauhirmi igluqpangmiiliriangini ihuaqtumik katimaviqalirlutiklu iliharvikhaniklu angiyumik.”
Hanayaulirniaqtuq nutaaq atan'nguyaqarvikhat iniqtauniarunaqhiyurlu ukiakhami 2021-mi imatullu akiqarniarnahugiyauyupluni $13 million. Hamna havaakhaq nahuriyauyuq ihuaqhitiniaqtuq havagvikhailiurutimingnut ayuqhautauyunik tamna atuqtitauyuq QECtkut anginiqharmik havagviat inikhanik nun'ngukpat.
“QEC-kut takuyumayut amigaigyuumiyanginik havaktimingnut ihuaqtumik atauhirmi havagviniklutik, nakuutqiyamiklu kivgaqtuiyamingni akiliqtuiyunut tamainni Nunavunmi, havaqatigiikhimmarlugillu nunallaat,” uqaqtuq Bruno Pereira, QECtkut Angiyuqangat imaalu Atanilluaq Tukimuaqti Havaktip.
Kangiqhittiarumaguvit talvuuna angiyunik havaaqharnik laisikharniklu uuktuutikharnik talvani Qamanittuarmi nuutaamik atan’nguyaqarvikhanik, takulugu qaritauyakkut www.qec.nu.ca.
###
Tuhaqtitauyukhanut Uqarvikhaq:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca