IQALUIT, Nunavut (Qitiqqautiyuq 10, 2018) Qulliq Alruyaqtuqtunik Ikumadjutiit (QEC) piliqtuq uukturutikhanik uumunnga Pauwatuutikhanik Naunaitkutikhangit Pinahuaruti. Nutaaq pinahuaruti pipkaidjutikhat igluqaqtut akiliqtuiyunut imatullu atauhirmik Hamlatkuni Kuapuliisitkuni akiliqtuiyut akiliqtuunmingnik atauhirmi nunallaami havaquplugit nanminirmingnik alruyaqtuutikhanik mikiyumik aulayunnautinga atuqtaffaakhaanik ilakunganik aulayunnautinga piliuqtaminik tuyuffaarlugu uumunnga QEC alruyaqtuutikhanganik. Himmautigilugulu, pauwatuutikhanik naunaitkutikhangit akiliqtuiyut tuniyauhunguyut tutquqhimaniit hivunittiami alruyaqtuutikhanginut atuqtakhainik.
“QEC-kut Pauwatuutikhanik Naunaitkutikhangit Pinahuaruti Alruyaktuqtunik Ikumadjutikhanik uuktuqqarutikhanikqanniklitikhangat Nunavunmi hallumatqiyamik hivunikhanut,”uqaqtuq Nan’ngariyauyuq Jeannie Ehaloak, Minista munariyalik QEC-kunik. “Pauwatuutikhanik Naunaitkutikhangit pipkaidjutikhangit Nunavunmiut ilauhimmarutikhanik mikhitikhanut ingniqutinit kaasingit puuyuit tamaini aviktuqhimayuni.”
Pittaaqtut Pauwatuutikhanik Naunaitkutikhangit akiliqtuiyut piyariaqaqtut ihivriuqhilutik QEC-kut Maliktakhangit Atuqtakhangitlu, ukuallu turanngayullu Pauwatuutikhanik Naunaitkutikhangit Pinahuaruti Maliktakhat Atuqtauyukhat Alruyaqtuutikharnik Katitigiyaangat Atuqtakharnik. QEC-kut akhuuqtuq niuviqungillugit atuqtut aulahimmaanginnaqtunik pauwaliuqtuutinik uukturutaa ihivriuqtautinnagu angiqtautinnagulu QEC-kunnin. Tamaita aulahimmaanginnaqtunik pauwaliuqtuutit iliuraqtauyukhat qaangiqtukhaungittut pauwaliurnikkut avatqulimaittat imaa 10 kilowatts-mik.
“QEC-kut uuktuqhimmaakpaktut nutaanik atuqtakhanik haluummayuniklu atuqtakhanik pauwaliurutikhainik Nunavunmi,” uqaqtuq Bruno Pereira, QEC-kut Angiyuqaaq unalu Atanilluaq Tukimuaqti Havaktipr. “Qinikhiahimmakhunguyugut atuqtakhainik akiliqtuiyut ikuumadjutikhanik, akituryuangituniklu pauvvatuqpallarnaitumiklu, aturuiqpalliayanginik uqhuryuaqtuqtunik.”
Pinahuaruti naunaiyautikhangit ukuallu titiqqat nalvaktaunginariaqaqtut QEC-kut qaritauyakkurutaani talvani www.qec.nu.ca/customer-care/net-metering-program. Naunaiqhittiarumaguvit talvuuna Pauwatuutikhanik Naunaitkutikhangit Pinahuaruti, uqarvigilugu QEC-kut Akiliqtuiyut Munaqtiat havagviat talvanni servicedesk@qec.nu.ca hivayarluguluuniit 1-866-710-4200.
###
Tuhaqtidjutikhanut Uqaqvikhaq:
Renee Boucher
Atanguyaq, Kiinauyaliqiyikkut Tuhaqtitiyia
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca