IQALUIT, Nunavut (Qiqaiyarvia 22, 2017) – Qulliq Alruyaqtuqtunik Ikumadjutiit (QEC) quviahuktun tuhaqtitiyaangat taima himautiniaqtun tamaita aulahimayunik apqunmi qullingit talvani Iqalungni, Kangiqlinirmi, Iqaluktuutiaqmi, Kugluktukmilu taima atuqpalaangitunik ikumadjutikharnik ihuatqiyauyut LEDnik (Light Emitting Diode) apqutingni qullit taima nuungutinani 2017.
Tamna ihumaliurutikhaq himigianganik LEDnun qullinik naunairutikhaq havaaqhaq aulayukharnik aulatitivakhimayuq 2015mi taima uuktuutiqaqtuq aulavikhangit qaffiuyunaqut ikumadjutigiluangitunik apqutingni qullit pidjutikhangit.
"Quviahukpiaqtunga taima QECkut aulatitivaktainik uminga avatiliqinikkut ihuatqiyauyuq atuqtauyukhaq taima tapkuat LEDngit maningnik atuqpalaayuitugaluaq hivunirmun, ikikliyumiqtitivakhimayut atuqtangit aulavikhangit ihuaqyumiqtitiyaangatlu apqutingnik qayangnairutikharnik," uqaqtuq Nangariyauyuq Johnny Mike, Minista munagiyuq Qulliq Alruyaqtuqtunik Ikumadjutiit. "Ilitagiumayatkalu Nunaqaqqakhimayut Tununganirmi Hulilukaaktunik Kanatami ikayuutihimaaqtamingnik QEC-kut alruyaqtuqtunikharnik munagidjutikharnik ikayugianganik ihuaqyumiqtitiyaangat Nunavutim apqutit qullikhangit hanaqidjutikharnik."
LEDnik apqutit qulliit aituihimaaqtun qaffiuyunik pidjutikharnik talvanga atuqtauluaqtunik apqutit qullingit. Tapkuninga alruyaqtuqtunik maningnik atulluangitunik, LEDngit ikumadjutikhangit tallimanik avatqutigivakhimayut atuqtauluaqtuniklu qullinik, taima maningnik atuqtauluaqhimaitaangat auladjutikharnik ihuaqhaidjutikharniklu akingitni. LEDngit qaumatqiyauyut taima ihuaqyumiqtitivakhuni tautugianganik apqutingni ukiungugaangat.
"Ikumadjutit munagidjutikhangit naunaituq hanaqidjutikhaq talvuuna QECkut hanaqidjutikhangit hivunikhait ikayuutigiyaangat Nunavutim ikumadjutikhangit atuqtauhimaaqtunik mamaituniklu puyuungut puyuqhimaaqtun. Quviahuktugut taima hivutunikhangit LEDngit apqutingni qullikhangit havaaqhat allanun nunalaanun upalungairutikharnik aulahimaagianganik hivutunikharnik uminga havaaqhat ilanun Nunavunmi," uqaqtuq Bruno Pereira Angiyuqaak Aulapkaiyiluaq talvani QECkutni.
QECkut aulahimaaqtun qiniqhiaplutik nuutaanik hanaqidjutikharnik angikliyumiqtitiyaangat ihuaqtunik ikumadjutikharnik ikihimatilunik naunaiyaiyaangatlu ihuatqiyauyuq maningnun atuqtauniit munagidjutikharngitlu ikumadjutiit hivunikhangit Nunavunmi