IQALUIT, Nunavut (Qitiqauyaqvia 1, 2020) – Qulliq Alrujaqtuqtunik Ikumatjutiit (QEC) atuqtitilirniaqtut atuqtunun uqhurjuanut ikajuutikhat akiliqtakhat (FSR) aktilaanganik 2.76 cents atauhirmut kilowatt ikaarniq Qitiqqautijuq 1-mit, Apitilirvia 30, 2020-mut. Uuktuutikhaq tunijauhimajuq Minista munarijalik QEC-kuni, qinirniaqtuq pitqujauhimadjutainik aviktuqhimajuni Igluin Aulatjutitigun Akitutilaanginnut Katimajiit (URRC).
“Tamna tukhiqtaujuq uqhurjuanut ikajuutikhat akiliqtakhat akikhijuummiqtut avikturniani uqhurjuat akitutilangit tuhaqtitaujut Ubluqtuhilirvianni,” uqaqtuq Nan'ngarijaujuq Jeannie Ehaloak, Minista munarijalik QEC-kunni. “Akikhijuummiqtut uqhurjuat akikhainnut ikajuutikhat akiliqtuijunut akikhijuumirlugit pauwatuutainut akiliqtakhangit imaalu tunihiffaarlutik maningmik inungnut Nunavummiut.”
Tamna uqhurjuanut ikajuutikhat atuqtunun akiliqtakhainut aallattauq akiliqtakhaq uvaluuniit uttiqtukhakluuniit atuqtunun akiligakhainut titirakhanganut pijukhautaugaluaqtuq naunairutikhanik ukuat uqhurjuat akikhangit naunaiqtauhimajut pauwatuutainut akikhainut unalu akikhalluanga akinga uqhurjuap akiliqtauhimajuq QECtkunnit.
“QEC-kunnit atuqtunun naahurijukhat tamna utiqtitaujukhamut ilijauhungujuq tatqiqhiunmi akiliqtakhanut titirarmut, ilijauniaqtuq pauwatuutainut akiliqtakhanut, kihianik igluliqijitkunnit inungnut iglukhainnik igluqaqtut akikhilaaqtaujariikhimajut ikajuutikhanik atani Atuqpaktut Akiliriaqaqtut Pauwanik Pinahuarutimi,” uqaqtuq Bruno Pereira, QEC-tkut Angijuqqangat CEO-lu.
Atuqtunun aturumik imaatut aktilanganik 500 kilowatt-ikarniinnik atauhirmi tatqiqhiunmi takuniaqtut akittutaarniaqtuq imaatut aktilanganik $14.50 (ilaliutitinnagu GST) tatqiqhiunmi akiliqtakhamingni titiraqhaamingni.
Kangiqhittiarumaguvit QEC-kut Uqhurjuanut Akiliktutikhat Aulavikhaathailijut umani www.qec.nu.ca.
###
Tuhaqtitaujukhanut Uqarvikhaq:
Renee Boucher
Himmautaullaktuq Ataniq, Kuapuliisikkut Tuhaqtipkaijinni
Qulliq Alrujaqtuqtunik Ikumadjutiit
(867) 979-7534
rboucher@qec.nu.ca