IQALUIT, Nunavut (Ubluiqtirvia 5, 2018) – Qulliq Alruyaqtuqtunik Ikumatjutiit (QEC) atuqtitilirniaqtut atuqtunun uqhuryuanut ikayuutikhat akiliqtakhat (FSR) aktilaanganik 1.25 cents atauhirmut kilowatt ikaarniq Tarium Hikutirvia 1-mit, 2018, Qiqaiyalirvia 31-mut, 2019.
“Tamna tukhiqtauyuq uqhuryuanut ikayuutikhat akiliqtakhat akitturyuumidjutanit avikturniani uqhuryuat akituryuumingmata,” uqaqtuq Nan'ngariyauyuq Jeannie Ehaloak, Minista munariyalik QEC-kunni. “Hamna hivulliqpaamik uqhuryuanut ikayuutikhat akiliqtakhat QECtkut atuqtunun ukiunganit 2013-mit.”
Tamna uqhuryuanut ikayuutikhat atuqtunun akiliqtakhainut aallattauq akiliqtakhaq uvaluuniit uttiqtukhakluuniit atuqtunun akiligakhainut titirakhanganut piyukhautaugaluaqtuq naunairutikhanik ukuat uqhuryuat akikhangit naunaiqtauhimayut pauwatuutainut akikhainut unalu akikhalluanga akinga uqhuryuap akiliqtauhimayuq QECtkunnit.
“QEC-kunnit atuqtunun naahuriyukhat tamna akittuutikhangat iliyauhunguyuq tatqiqhiunmi akiliqtakhanut titirarmut, iliyauniaqtuq November-mi pauwatuutainut akiliqtakhanut, kihianik igluliqiyitkunnit inungnut iglukhainnik igluqaqtut akikhilaaqtauyariikhimayut ikayuutikhanik atani Atuqpaktut Akiliriaqaqtut Pauwanik Pinahuarutimi,” uqaqtuq Bruno Pereira, QECtkut Angiyuqqangat CEO-lu.
Atuqtunun aturumik imaatut aktilanganik 500 kilowatt-ikarniinnik atauhirmi tatqiqhiunmi takuniaqtut akittutaarniaqtuq imaatut aktilanganik $6.25 (ilaliutitinnagu GST) tatqiqhiunmi akiliqtakhamingni titiraqhaamingni.
Kangiqhittiarumaguvit QEC-kut Uqhuryuanut Akiliktutikhat Aulavikhaathailiyut umani www.qec.nu.ca.
###
Tuhaqtidjutikhanut Uqaqvikhaq:
Renee Boucher
Atanguyaukaffukhimayuq, Kiinauyaliqiyikkut Tuhaqtitiyinga
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca