IQALUIT, Nunavut (Qiqaiyarvia 14, 2017) – Qulliq Alruyaqtuqtunik Ikumatjutiit (QEC) inirhimaliqtaa nappaqtirniq uukturniqlu uumani nutaami Qikiqtarjuaq pauwaliqivikmi. Nutaaq pauwaliqivik tukliuyuq angiyuq havaktauyukhani qangannuaq iniqtauhimayut QEC-kunnin. November 2016-mi, QEC uqarhimavaktaa aullaqtirnia nutaami pauwaliqivikmi Taloyoami.
“Quviahukpiaqtunga uqarama nakuuyumik iniqtirniit tamarnik QEC-kunni akituyuni havaktauyukhani. Una aghuuqnaqtuq igluqpak auladjutaa aulahimaaqtuq maniliugutighaq haffumunga Qikiqtarjuaqmun uvalu Nunavunmun," uqaqtuq Minista Johnny Mike, Minista munaqhiyuq hapkuninga QEC-kunnik.
Hamna nutaaq pauwaqaqvik tamayalik hitamanik nutaanik ihuaqtunik ingniqutinik pihimayuq piyaaqnia aulapkaqlugu haffumunga 1.8 megawattsmik auladjutaa. Havakhimayuq tunihiluni atuguminaqtumik auladjutmik imaa 40nik ukiunik, nutaaq pauwaqaqvik pihimayuq aaniaqvikmik-auladjutaanik nipiqukinia nipiquqitaangani, uvalu pidjutiqaqhunilu atuqtaaqtumik auladjutaa auladjutini.
“Havaffaaqhugu uvagut pauwaqaqvikput igluqpak piyaangini Nunavunmiun piqaqlutik atuguminaqtumik auladjutmik alguyaqtuutnik hivuliuyut uvagut piyaghavut hivulliulugu. Iniqtiqhugu Qikiqtarjuap pauwaqaqvia atauhiq tugaaqhimavaktavut uvani ukiumi, uvalu quyagiyatka QEC-kut ilagiit iniqhingmata aala kuapaliisit puiguqtaulimaituq," uqaqtuq Bruno Pereira Angiyuqaq uvalu Atanguyaluaq Havakti hapkununga QEC-kunnun.
QEC-kut piniarhimayut angmaqtirlugu nutaaq pauwaliqivik qivyamik kipliuluni nunallaamilu niripkailutik uvani Qikiqtarjuap katimayaqtuqviani.