IQALUIT, Nunavut (Imaruqtiqvia 6, 2018) – Tamna Minista Munagiyuq Qulliq Alruyaqtuqtunik Kuapuraisingit (QEC) tuhaqtitiyut ublumi Katimayiikhat Katimayuni havaktinga Mista Bert Rose Ikhivautauyuq unalu Mista Simeonie Akpalialuk Tugligiya Ikhivautam. Tamna havaktiuyuq aulaniaqtun Qiqaiyaqluaqvia 3, 2018, aulaniaqtunlu talvanga Qiqaiyaqluaqvia 9, 2019.
“Quyagiumayaga Mista Rose unalu Minista Akpalialuk aituinginagamik ikayuutikharnik QECkutnun katimayiinun piyaanganik ilauyuk hivulliqtikharnik munagidjutikharnik,” uqallaktuq Nangariyauyuq Jeannie Ehaloak, Minista Munagiyuq QECkutni. “Namagiyaga taima nuutaani tikuaktauyut aulaniaqtun hivunikharnik talvuuna QECkutni hanaqidjutikharnik upalungairutikharnik tautuktuuyaaqtauyukharniklu kuapuraingitni.”
Minista Ehaloak angirutigivakhimayurlu taimaaqtunik katimayiiyiuvakhimayuq Mista Peter Irniq ilauvakhimayuq katimayimun talvanga Qiqaiyaqluaqvia 2017mi. Taimaarvikhangat tuniyauvakhimayuq Qitiqqautiyuq 20, 2018mi. “Quyagiumayaga Mista Irniq ikayukpangman katimayinun nigiurutikharnik aituqaga ihuaqtunik havarniaqhimayainik hivunirmi,” uqallaktuq Minista Ehaloak.
Mista Rose ilauvakhimayuq katimayiinun taima tugliuvakhuni Ikhivautarmi talvanga Imaruqtirvia 2017mi katimayiinunlu aulavakhimayuq talvanga Qiqaiyaqluaqvia 2014mi. Ilauvakhimaaqpaktuq ikhivautauvakhimayuni talvanga Idjirurvia 10, 2018mi, taima ikhivautaugaluaq, Mista Elijah Evaluarjuk, huingman. Kinguliuyut katimayiingit piqaqtun tamaat ikayuutikharnik katimayiyiuyunun ilauyukharnik unalu Minista Ehaloak.
###
Tuhaqtitiyunik Hivayainagialik
Renee Boucher Atanguyaq, Kiinauyaliqiyikkut Tuhaqtitiyia
Qulliq Alruyaqtuqtunik Ikumadjutiit
(867) 979-7524
rboucher@qec.nu.ca